Хашми Трамп аз нақши сипоҳи Посдорони инқилоби исломӣ
Раиси ҷумҳури Амрико дар мавзеъе хасмона алайҳи мардуми Эрон ибрози умедворӣ кард, ки террористӣ қаламдод шудани сипоҳи Посдорони инқилоби исломӣ фишорҳо бар ин кишварро афзоиш диҳад.
Ба гузориши ИРНО, Доналд Трамп рӯзи душанбе пас аз имзои ҳукми изофа шудани сипоҳи Посдорони инқилоби исломӣ ба рӯйхатти гуруҳҳои террористӣ эътироф кард, ки ин аввалин бор аст, ки Вашингтон як ниҳоди низомии расмӣ ва бахше аз як кишварро террористӣ эълом мекунад.
Трамп аз зимни таҳдид дар бораи ҳаргуна доду ситади тиҷорӣ бо сипоҳи Посдорони инқилоби исломӣ муддаъӣ шуд давлати Эрон ва сипоҳи Посдорон ҳомии терроризм ҳастанд.
Ҷон Болтон мушовири амнияти милли Кохи Сафед низ дар вокуниш ба ин тасмим гуфт, барои ҳама рушан шавад, ки ҳимоят аз сипоҳи Посдорони инқилоби исломӣ ба ҳар шакле бо хатар ҳамроҳ аст.
Таҳлилгарон иқдоми Амрико алайҳи сипоҳи Посдорони инқилоби исломиро вокунише ба ҳамкории Эрон бо давлати Сурия дар шикаст додани гуруҳҳои террористӣ ҳамчун ДИИШ, ба рағми ҳимоятҳои пайдо ва пинҳони Вашингтон арзёбӣ мекунанд.
Дар вокуниш ба ин иқдоми Вашингтон Муҳаммад ҷаводи Зариф вазири умури хориҷаи Эрон дар номае ба Ҳасани Руҳонӣ раиси ҷумҳури Эрон ва раиси Шурои олии амнияти милли Эрон, муқобила ба мисл ва қарор гирифтани номи неруҳои низомии Амрико дар минтақаро дар рӯйхатти гуруҳҳои террористии Эрон хостор шуд.
Сарлашкар посдор Муҳаммадалии Ҷаъфарӣ фармондеҳи куллии сипоҳи посдорони инқилоби исломӣ ҳам пештар гуфта буд агар Амрико муртакиби ҳимоқат алайҳи ин ниҳод шавад артиш ва неруҳои амниятии Амрико дар Ховари Миёна оромиш нахоҳанд дошт.
