Нобуд шудани маркази террористҳои ДИИШ дар ҷануби Русия
Хадамоти амнияти Русия аз пароканда шудани конуни гурӯҳи террористии ДИИШ пеш аз иқдоми террористӣ дар вилояти Ростов, дар ҷануби Русия хабар дод.
Ба гузориши ИРНА, бар асоси гузорише, ки Хадамоти амнияти федерали Русия рӯзи душанбе мунташир кардааст, аъзои ин гурӯҳ аз атбои Русия будаанд.
Ин гурӯҳ дар ҳоли тадоруки амалиёти террористӣ алайҳи нерӯҳои полис дар маконҳои умумӣ ва пурҷамъият будааст.
Раиси ин гурӯҳ ҳангоми ронандагӣ ва дар ҳоле, ки ба сӯи маъмурони амниятӣ тирандозӣ мекард, бар асари инфиҷори моддаи мунфаҷира дар мошини худ кушта шуд ва ду узви дигар дар шаҳри Ростов на Дону, маркази вилояти Ростов дастгир шуданд.
Аз махфигоҳи ин афрод миқдоре маводи мунфаҷира ва муҳиммот ба даст омадааст.
Дар солҳои ахир даҳҳо нафар аз аъзои гурӯҳи террористии ДИИШ дар Русия кушта ё дастгир шудаанд.
