Қатъи барқи Кобул ва ёздаҳ вилояти Афғонистон
Сентябр 16, 2019 14:28 Asia/Dushanbe
Барқи воридотии Кобул - пойтахти Афғонистон ва 11 вилояти ин кишвар ба иллати ҷангу даргирӣ дар шимоли Афғонистон қатъ шуд.
Ба гузориши Хабаргузории садо ва симо, идораи барқи Афғонистон рӯзи якшанбе дар баёнияе эълом кард, бо қатъи кабелҳои барқи воридотии Тоҷикистон ва Узбакистон дар шимоли Афғонистон, шаҳрвандони Кобул ва ёздаҳ вилояти ин кишвар аз барқ маҳрум ҳастанд ва маҷбуранд шабҳоро дар торикӣ сипарӣ кунанд.
Дар баёнияи идораи барқи Афғонистон омадааст, бо беҳбуди авзои амниятӣ, тимҳои фаннӣ барои васли ҷараёни барқ ба манотиқи ёдшуда эъзом мешаванд.
Барқи мавриди ниёзи мардуми Афғонистон бештар аз барқи воридотии Тоҷикистон, Узбакистон, Эрон ва Туркманистон таъмин мешавад.