Ҳамлаи Толибон ба шаҳристони Ҷалрез дар вилояти Майдонвардаки Афғонистон
Июн 16, 2020 08:20 Asia/Dushanbe
Садҳо нафар аз аъзои Толибон ба сохтмони фармондорӣ ва фармондеҳии полиси шаҳристони Ҷалрез дар вилоятии Майдонвардаки Афғонистон ҳамла карданд.
Ба гузориши радиои бурунмарзии Садои Хуросон, фармондори шаҳристони Ҷалрез гуфт: Ҳамлаи аъзои Толибон ба сохтмони фармондорӣ ва фармондеҳии полиси ин шаҳристон ба даргирӣ бо неруҳои амниятии Афғонистон мунҷар шуд.
Саидмуҳаммади Ҳошимӣ бидуни ишора ба талафоти ин даргириҳо гуфт: Атрофи сохтмони фармондорӣ ва фармондеҳии полиси шаҳристони Ҷалрез дар муҳосираи Толибон қарор дорад ва эҳтимоли суқути ин шаҳристон бисёр зиёд аст.
Ҷалрез дар имтидоди бузургроҳи Кобул-Бомиён қарор дорад ва аз ноамнтарин шаҳристонҳои вилояти Майдонвардак аст, ки Толибон дар бахшҳое аз он ҳузур дорад.