Нерӯҳои амрикоӣ аз Ироқ ва Афғонистон хориҷ мешаванд
-
Теъдоди низомиёни Амрико дар Ироқ ва Афғонистон то 2500 коҳиш хоҳад ёфт
Трамп ба зудӣ фармони хуруҷи нерӯҳои амрикоӣ аз Ироқ ва Афғонистонро содир мекунад.
Ба гузориши радиои тоҷикии Садои Хуросон ба нақл аз Си Эн Эн, ба гуфтаи ду мақоми расмии амрикоӣ ин ҳафта дастури расмии Доналд Трамп, раиси ҷумҳурии ин кишвар барои оғози хуруҷи бештари нерӯҳои амрикоӣ аз Афғонистон ва Ироқ содир хоҳад шуд.
Ин мақомоти амрикоӣ гуфтанд, ки Пентагон бо судури иттилоияе ба фармондеҳони низомӣ дастур дод теъдоди сарбозони амрикоӣ дар Афғонистон ва Ироқро коҳиш диҳанд.
Ҳамакнун тақрибан 4500 нерӯи амрикоӣ дар Афғонистон ва се ҳазор нерӯ низ дар Ироқ ҳузур доранд ва бар асоси ин фармон, шумори нерӯҳои амрикоӣ дар Ироқ ва Афғонистон ҳар кадом ба 2500 нафар коҳиш хоҳад йфт.
Иҷрокунандаи вазифаи вазири дифоъ Кристофер Миллер рӯзи ҷумъа дар як паёми мутаноққиз гуфт, ки Амрико бояд муборизаро алайҳи Ал-Қоида ва нерӯҳои террористӣ дар пайи ҳодисаи 11 сентябр идома диҳад, аммо гуфт, вақти он расидааст, ки сарбозонро ба ватан баргардонем.
Миллер дар паёми худ навишт: Ин ҷанг тамом нашудааст. Мо дар остонаи шикаст додани Ал-Қоида ва муттаҳидони он ҳастем, аммо бояд аз хатои стратегии гузаштаи худ ҷилавгирӣ кунем, ки натавонистем шоҳиди поёни ҷанг бошем. Бисёре аз сарбозон аз ҷанг хаста шудаанд, аммо ин марҳилаи муҳиме аст, ки дар он талоши худро дар Афғонистон аз раҳбарӣ ба нақши пуштибонӣ тағир диҳем.
Бештар бихонед:
