Pars Today

Вазири маорифи Русия аз донишҷӯёни хориҷии бозмонда аз таҳсил дар донишгоҳҳои ин кишвари хост то оддӣ шудани авзои коронаӣ аз мурраххасии таҳсилӣ истифода кунанд.

Ба гузориши сомонаи шабакаи телевизионии “Мир24”, Валерий Фалков бо ишора ба ҳузур наёфтани ҳазорон донишҷӯи хориҷӣ дар донишгоҳҳои кишвараш ба далел баста будани марзҳо ва мамнуияти сафар ба Русия гуфтааст: “мо мушкили ин афродро дарак мекунем, аммо наметавонем танҳо барои донишҷӯёни хориҷӣ марзҳоро боз кунем ва бо тавваҷуҳ ба шароити густариши вируси корона дар Русия имкони вурӯди онон феълан ба ин кишвар вуҷӯд надорад”.

Вай бо ибрози таассуф аз суръати поини интернет ва қатъи барқ дар бархе кишварҳо, ки мӯҷиби бекайфият шудани омӯзиш аз роҳ дур мешавад, пешниҳод кард, ки то оддӣ шудани авзои коронаӣ донишҷӯёни хориҷӣ, мурраххасӣ бигиранд.

Вазир маорифи Русия ҳамчунин изҳор кард, имкони фарогирии омӯзишҳо аз тариқи фазои маҷозӣ барои риштаҳои улуми пизишкӣ ва баъзе аз риштаҳои муҳими дигар вуҷӯд надорад.

• Донишҷӯёни тоҷики донишгоҳҳои Русия ду бора таҳдид ба ихроҷ шуданд

Ин изҳорот дар ҳоле аст, ки теъдоде аз донишҷӯёни тоҷикистонии донишгоҳҳои улуми пизишкии Русия гуфтаанд, бо вуҷӯди пардохти шаҳрия аз марокизи донишгоҳии худ ду бор ихтор гирифтаанд, ки дар сурати ҳузур наёфтан дар дарсҳо ихроҷ хоҳанд шуд.

Аз сӯи дигар омӯзиш аз тариқи фазои маҷозӣ ба далели қатъии барқ, гаронӣ ва суръати поини интернет дар Тоҷикистон барои онҳо имконпазир нест.

Дар ҳамин ҳол Игор Фролов, сафири Русия дар Душанбе гуфта буд, ки донишҷӯёни тоҷики пазиришшуда дар донишгоҳҳои Русия ҳатто дар сурати ҳузур дар ин кишвар бояд омӯзишҳоро дар фазои маҷозӣ, пайгири кунанд.

БЕШТАР БИХОНЕД:

• Сафири Русия дар Душанбе: донишҷӯёни тоҷик наметавонанд ба Русия бозгарданд
• Таҷамуъи донишҷӯён муқобили вазорати хориҷаи Тоҷикистон
• Мушкилоти барқ ва интернет донишҷӯёни тоҷикро сардаргум кардааст