Рекорди нави корона дар Русия

Дар паи афзоиши омори маргу мир бар асари ибтило ба вируси корона дар Русия барои дувумин ҳафтаи пайдарпай масъулини беҳдоштии ин кишвар маҳдудиятҳои бештареро ҷорӣ карданд .

Ба гузориши радиои тоҷикии Садои Хуросон ба нақл аз ИРНА, Ситоди муқобила бо корона дар Русия рӯзи панҷшанбе дар охирин гузориши худ эълом кард, ки дар шабонарӯзи гузашта дар ин кишвар 25 ҳазору 293 нафар ба корона мубтало шуда ва ё озмоиши онҳо мусбат ташхис дода шудааст.
Ҳамчунин дар ин муддат 791 нафар аз беморони коронаӣ ҷон бохтаанд.
Аз байни афроде, ки озмоиши коронаии онҳо мусбат буда 3 ҳазору 19 нафар ё 11.9 дарсади кулли беморон ё афроди олуда ба корона орӣ аз ҳар гуна нишонаи ин бемории маргбор ҳастанд.
Кафеҳо, ғизохуриҳо ва марказҳои хадамоти умумӣ дар маркази тавваҷуҳи маҳдудиятҳои коронаӣ дар Маскав қарор доранд.
Дар ҳамин ҳол Санкт-Петербург дар садри омори марги коронаии Русия қарор дорад.
Дар шабонарӯзи гузашта дар ин шаҳри чаҳор миллион нафарӣ 108 нафар ҷон супурданд.
Ин дар ҳоле аст, ки Маскав ба лиҳози шумори мубталоён ба корона дар ҷойгоҳи нахуст қарор дорад .
Тибқи омори эъломшуда дар шабонарӯзи гузашта 5 ҳазору 237 нафар ба корона мубтало шудаанд.
Аз оғози ҳамагирии корона то кунун 5 миллиону 882 ҳазор нафар ба ин вирус мубтало шуда ва 146 ҳазору 69 нафари афрод низ ҷон бохтаанд .
Бар асоси иттилооти расмӣ дар Русия то кунун дар ин кишвар ҳудуди 48 миллион нафар дозаи аввалу дувуми ваксинаи коронаро дарёфт кардаанд .