Афзоиши ҳимояти демократҳо аз ҷойгузинии Байден дар интихоботи 2024

Натоиҷи як назарсанҷии ҷадид аз афзоиши ҳимояти раъйдиҳандагони тарафдори ҳизби демократ аз номзад нашудани раиси ҷумҳурии феълии Амрико барои интихоботи 2024 ҳикоят доранд.

Назарсанҷии муштараки пойгоҳҳои NPR, PBS ва Marist ҳокӣ аст, раъйдиҳандагони тарафдори ҳизби демократи амрико муаррифии номзадии дигар аз сӯи ин ҳизб барои интихоботи раёсати ҷумҳурии 2024 ба ҷои Байденро тарҷеҳ медиҳанд.

Дар ин назарсанҷӣ, ки натоиҷи он рӯзи душанбе мунташир шудааст, танҳо 36 дарсад аз демократҳо ва мустақилҳои мутамоил ба демократҳо гуфтаанд, ҳузури Байден дар рақобати интихоботии 2024 шонси ин ҳизб барои шикаст додани номзади ҳизби ҷумҳурихоҳро болотар мебарад.

Ин дар ҳоле аст, ки 44 дарсад аз посухдиҳандагон гуфтаанд, ҳузури фарде дигар ба унвони номзади ҳизби демократ дар интихоботи соли 2024 боиси эътимоди бештари онҳо ба эҳтимоли бурд дар интихобот мешавад.

Эътимод ба Байден дар миёни мустақилҳои мутамоил ба ҳизби демократ аз ин ҳам пойинтар аст .

Дар ин назарсанҷӣ ба ин мавзуъ, ки раъйдиҳандагони демократ чӣ фардеро барои муаррифӣ шудан ба унвони ҷойгузини Байден тарҷеҳ медиҳанд, пардохта нашуда, аммо бархе аз таҳлилгарон гумоназаниҳое дар бораи эҳтимоли барномарезӣ дар дохили ҳизби демократ барои муаррифии Комила Ҳарис ба унвони номзади ин ҳизб матраҳ мекунанд.