Hatibzadeh: Ähli Eýranlylar Ukrainany terk etmeli
Eýranyň Daşary işler ministrliginiň metbugat sekretary, Eýranlylaryň Ukrainadan çykmaklarynyň birinji we ikinji tapgyrynyň tamamlanandygyny aýtmak bilen Eýranlylaryň hemmesi Ukrainany terk etmelidirler diýdi.
Eýranyň Daşary işler ministrliginiň metbugat sekretary Said Hatibzadeh çarşenbe güni agşam Eýranyň ilkinji telewideniýe kanalynyň sagt 21-de efire berilýän habarlar bölümine telefon arkaly beren interwýusynda birnäçe Eýranlynyň öz islegleri bilen Ukrainanyň dürli şäherlerinde galandyklaryny aýtmak bilen Eýranyň Daşary işler ministrliginiň Ukrainada ýaşaýan ähli Eýranlylardan bu ýurtdan çykmaklaryny we mundan beýläk Ukrainada galmazlygyny isländigini aýtdy.
Hatibzadeh sözüniň dowamynda Ukrainanyň dürli serhetlerinden, şol sanda Polşadan, Rumyniýadan, Moldowadan we Wengriýadan gelen habarlara görä bu serhetlerde gelim gidimler ýerine ýetip durandyr we Eýranlylar üçin başlangyç krizis gutarandyr diýip yglan etdi.
Eýranyň Daşary işler ministrliginiň metbugat sekretary anna güni başga bir uçuşy taýýarlamak üçin tagalla edilýändigini aýtmak bilen şu wagta çenli diňe Polşanyň Warşawa şäherinde we Serhetýaka şäherlerde takmynan 600 Eýranly mesgen tutandyrlar diýdi.
