Eýranyň Milli Howpsuzlyk Geňeşiniň sekretary bilen Özbegistanyň Milli howpsuzlyk geňeşçisiniň duşuşygy
Eýranyň Ýokary Milli Howpsuzlyk Geňeşiniň sekretary we Özbegistanyň Milli howpsuzlyk geňeşçisi hemmetaraplaýyn gatnaşyklaryň ösüşini we iki ýurduň ikitaraplaýyn we sebitleýin meselelere nähili gatnaşjakdygyny ara alyp maslahatlaşmak üçin duşuşdylar.
EýranPress habar gullugynyň habaryna görä, Eýranyň Ýokary Milli Howpsuzlyk Geňeşiniň sekretary admiral Ali Şamhani çarşenbe güni Özbegistanyň prezidentiniň milli howpsuzlyk geňeşçisi Wiktor Mahmudow bilen duşuşyp, bu ýurduň Merkezi Aziýadaky möhüm geosyýasy ýagdaýyny we Özbegistanyň howpsuzlyk we sebit hyzmatdaşlygyndaky aýratyn ornuny ýada salmak bilen terrorçylygyň we ekstremizmiň sebitde ýaýramagynyň öňüni almak ýaly meseleler iki ýurduň umumy howpsuzlyk meselelerinden biridir diýip yglan etdi.
Şamhani, Eýranyň we Özbegistanyň Owganystan bilen umumy araçäkleriniň, bu ýurtda parahatçylygy we durnuklylygy üpjün etmek üçin hyzmatdaşlygy ýokarlandyrmagy talap edýändigini aýtdy.
Özbegistanyň milli howpsuzlyk geňeşçisi Wiktor Mahmudow hem syýasy, ykdysady, üstaşyr we howpsuzlyk ugurlarynda ikitaraplaýyn hyzmatdaşlygy has-da ýokarlandyrmak üçin iki ýurduň ýokary derejeli resmileriniň baglaşan şertnamalarynyň ýerine ýetirilişini çaltlaşdyrmagyň zerurdygyny aýtmak bilen Eýranyň Milli Howpsuzlyk Geňeşiniň sekretarynyň Özbegistana eden sapary iki ýurduň arasyndaky gatnaşyklary çaltlaşdyrmakda we sebitde parahatçylygy we durnuklylygy saklamak üçin netijeli howpsuzlyk hyzmatdaşlygyny ýola goýmakda aýgytly rol oýnap biler diýdi.
Özbegistanyň milli howpsuzlyk geňeşçisi Eýranyň Şanhaý Hyzmatdaşlyk Guramasyna agza bolmagyndan kanagatlanýandygyny aýtmak bilen Özbegistan, Şanhaý Hyzmatdaşlyk Guramasynyň häzirki başlygy hökmünde Eýranyň bu gurama hemişelik agza bolmagy üçin ähli mümkinçiliklerinden peýdalanar diýdi.
Duşuşygyň ahyrynda Eýranyň Milli howpsuzlyk geňeşiniň sekretary we Özbegistanyň milli howpsuzlyk geňeşçisi iki ýurduň arasyndaky howpsuzlyk hyzmatdaşlygy baradaky resminama gol çekdiler.
Eýran Yslam Respublikasy bilen Özbegistan Respublikasynyň arasynda terrorçylyga, ekstremizme, neşe gaçakçylygyna we beýleki serhetaşa guramaçylykly jenaýatçylyga garşy göreşde iki ýurduň arasyndaky bilelikdäki hyzmatdaşlyk barada bilelikdäki howpsuzlyk hyzmatdaşlygy resminamasyna gol çekildi.
