Eýranyň we Täjigistanyň prezidentleriniň arasynda gepleşik
Eýran Yslam Respublikasynyň prezidenti Tähran bilen Duşanbäniň arasyndaky barha ösýän ykdysady gatnaşyklardan kanagatlanýandygyny aýdyp, Täjigistanyň prezidentini Eýrana sapara çagyrdy we bu saparyň 2 ýurduň ikitaraplaýyn we sebit gatnaşyklarynyň derejesini ýokarlandyrmakda täsirli boljakdygyny aýtdy.
Seýid Ybrahym Räisi ýekşenbe güni Täjigistanyň prezidenti Ymam Ali Rähman bilen telefon arkaly söhbetdeşlikde "Eýran sebitdäki howpsuzlyk ýagdaýyndan aladalanýar" -diýip, iki ýurduň arasynda howpsuzlyk koordinasiýasyny ösdürmegiň zerurdygyny aýtdy.
Täjigistanyň prezidenti, hem, Tährana çagyrlany üçin Eýran Yslam Respublikasynyň Prezidentine we hökümetine minnetdarlyk bildirdi we Eýran halkyny we hökümetini Gurban baýramynyň gelmegi bilen gutlady.
Günbatar Aziýanyň käbir ýerlerinde tolgunyşyklar dowam edýärkä, ABŞ sebiti terk etmäge mejbur boldy; Esasan yslam ýurtlary bolan sebitdäki ýurtlaryň ýakynlaşmagyna zerurlyk howplara garşy durmak we halklaryň peýdasyna ykdysady mümkinçilikler döretmek üçin öňküsinden has möhümdir.
Şunuň bilen baglylykda, Eýranyň on üçünji hökümeti, sebit we musulman ýurtlar bilen gatnaşyklarynyň pugtalandyrmagyny ileri tutup, ykdysady diplomatiýany pugtalandyrmaga we bu ýurtlar bilen söwda gatnaşyklaryny ösdürmäge, dartgynlygy we tapawudy azaltmaga, şeýle hem sebitdäki ýakynlygy berkitmäge synanyşýar. .
Täjigistan Eýranyň goňşusy bolmasa-da, sebitde gaty möhümdir we bu esasan iki ýurduň arasyndaky taryhy, medeni we dil gatnaşyklary bilen baglanyşyklydyr. Aslynda, Täjigistan, Merkezi Aziýada pars dilli ýeke-täk ýurt hökmünde sebitdäki beýleki ýurtlardan tapawutlydyr.
Şoňa laýyklykda Eýran Yslam Respublikasynyň Täjigistanda alyp barýan daşary syýasaty syýasy, ykdysady we medeni ugurlarda ýakynlaşma faktorlaryna esaslanýar.
Täjigistan, Eýranyň günorta portlaryndan açyk suwlara girip bilýän Merkezi Aziýada Eýranyň esasy ykdysady hyzmatdaşy bolmak mümkinçiligi bolan ýurtdyr. Iki ýurduň arasyndaky 1400 –njy hejri şämsi ýylynyň soňky üç aýynda 131 million dollardan geçip, söwda 453 göterim ösüş gazandy we bu söwda gatnaşyklarynyň ep-esli ýokarlanandygyny görkezýär. Eýran bilen Täjigistanda nebit, bent, azyk, metal we syýahatçylyk taslamalarynda hyzmatdaşlyk etmek üçin uly mümkinçilikler bardyr.
Howpsuzlyk pudagynda Eýran we Täjigistan neşe gaçakçylygy, terrorçylyk we ekstremizm ýaly umumy howplara duçar bolýar. Owganystanyň Täjigistan bilen demirgazyk araçägi, bidüzgünçilikleriň ýaýramagy sebiti durnuksyzlaşdyryp biljek sebitleriň biridir; Şoňa görä-de, Täjigistan bilen Eýranyň ýakynlaşmagyny güýçlendirmek Owganystany durnuklaşdyrmak üçin möhümdir we bu mesele Tähran, Duşanbe we Kabul arasynda üç taraplaýyn çözülip bilner.
