Eýranyň tozan gözegçiligi baradaky tehniki bilimleri Owganystana geçirmäge taýýarlygy
Eýran Yslam Respublikasynyň Prezidentiniň Owganystan boýunça wekili Eýran Yslam Respublikasy tozan gözegçiligi baradaky tehniki bilimleri Owganystana geçirmäge taýýardyr diýdi.
Çaň tozan hadysasy sebitdäki käbir ýurtlara ençeme ýyl bäri täsir edip gelşi ýaly köp sebitlere täsir edýär.
Hünärmenler bu hadysany guraklyk we batgalyk ýerler ýaly suw howdanlarynyň suwsuzlanmagy we Owganystan we Yrak ýaly goňşy ýurtlarda taşlanan ekerançylyk ýerleri bilen baglanyşdyrýarlar.
IRIB gullugynyň habaryna görä, Eýran Yslam Respublikasynyň Prezidentiniň Owganystan işleri boýunça wekili "Hasan Kazemi Gomi" twitde ýazyp Eýran Yslam Respublikasy, Talybanyň wagtlaýyn hökümeti bilen tozan gözegçiligi pudagyndaky tejribelerini paýlaşmaga taýyndyr diýdi.
Kazemi Gomi, Eýran Yslam Respublikasynyň daşky gurşaw krizisiniň serhetleri bilmeýändigine ynanýandygyny we sebitdäki ýurtlaryň bu kynçylygy ýeňip geçmelidigini aýtmak bilen halky her dürli agyry we kesel bilen göreşýän Owganystanyň günortasynda tozan tupany gynandyrjydyr diýdi.
Eýran Yslam Respublikasynyň Prezidentiniň Owganystan işleri boýunça wekili tozan meselesiniň öňüni almak üçin Hamun suw üpjünçiligini zerur diýip hasaplamak bilen Owganystanyň hökümdarlarynyň geçmişdäki ýalňyşlyklaryň öwezini dolmak üçin geljege uly bir ýol tapjakdygyna umyt bildirdi.
