Pars Today

Eýran Yslam Respublikasynyň Prezidenti “Günorta Pars” nebiti gaýtadan işleýän zawodynyň 14-nji tapgyrynyň işi bu ýerine ýetirilen "Biz başararys" şygarynyň ýokary tutanýerliliginiň we durmuşa geçirilmeginiň beýanydyr diýdi.

EýranPress habar gullugynyň habaryna görä, penşenbe güni Eýran Yslam Respublikasynyň prezidenti Seýid Ebrahim Raisi, Günorta Pars nebiti gaýtadan işleýän zawodynyň 14-nji tapgyrynyň açylyş dabarasynda bu toplumyň iň eýranly tapgyry hökmünde gatnaşanlara, ýolbaşçylara, hünärmenler we esasanam bu nebiti gaýtadan işleýän zawodyň gurluşygy üçin işleýän işçilere minnetdarlyk bildirmek bilen bu nebiti gaýtadan işleýän zawodyň we önümleriň peýdalary ýurduň nebit we energetika pudagynyň möhüm böleklerini işjeňleşdirip biler diýdi.

Eýran Yslam Respublikasynyň Prezidenti sözüniň dowamynda Günorta Pars nebiti gaýtadan işleýän zawodynyň 14-nji tapgyryny gurmak üçin Eýrana gelen daşary ýurt kompaniýalary, bu nebiti gaýtadan işleýän zawodyň işini ýatyryp gidenlerisoň ýapylar öýdüp, Eýrany terk etdiler, ýöne Eýranyň ýaş hünärmenleri bu işiň ýapylmagyna ýol bermediler, olaryň tagallalary bilen işe girizildi diýdi.

Günorta Pars nebiti gaýtadan işleýän zawodyň 14-nji tapgyry, Günorta Parsda işlenip taýýarlanylýan iň soňky nebiti gaýtadan işleýän zawoddyr, we gurluşyk we ulanyşa tabşyrmak tapgyrlary Pars nebit we gaz kompaniýasy, Eýranyň Milli Nebit Kompaniýasynyň adyndan Eýranyň Senagat Ösüş we Döwrebaplaşdyryş Guramasynyň (IDRO) ýolbaşçylygyndaky içerki potratçylaryň topary tarapyndan amala aşyryldy.

“Günorta Pars” 14-nji tapgyryň ösüş meýilnamasynyň doly ulanylmagy bilen bu etapdan gündelik hasyl 50 million kub metrden geçýär we eksport önümleriniň bahasy ýylda 3,5 milliard dollar diýlip çaklanylýar.

Eýran Yslam Respublikasynyň prezidenti Seýid Ebrahim Raisi, welaýatlar saparlarynyň ikinji tapgyrynyň üçünji nokadynda penşenbe güni Buşehr welaýatyna bardy, we Buşehriň ymamy, häkimi we käbir ýerli wezipeli adamlar tarapyndan garşylandy.