Raisi: Eýran we Hindistan täze dünýä tertibinde has täsirli çeşme bolup biler
Eýran Yslam Respublikasynyň prezidenti Hindistanyň milli howpsuzlyk geňeşçisi bilen bolan duşuşygynda şeýle diýdi: Eýran we Hindistan, sebitdäki iki täsirli ýurt hökmünde hyzmatdaşlygy täze derejä çykarmak bilen täze dünýä tertibiniň döredilmegi bilen baglanyşykly üýtgeşmelerde has täsirli bolup biler.
Duşenbe güni agşam, Eýran Yslam Respublikasynyň prezidenti Seýid Ebrahim Raisi, Hindistanyň Milli howpsuzlyk geňeşçisi Ajit Dual bilen Tähranda duşuşyp, iki ýurduň arasyndaky dostlukly gatnaşyklaryň uzak taryhyna ünsi çekip häzirki wagtda Eýranyň we Hindistanyň ýolbaşçylary gatnaşyklary esasanam ykdysady we söwda ugurlarynda giňeltmek isleýär diýdi.
Eýran Yslam Respublikasynyň prezidenti dünýäniň şertleriniň üýtgeýändigini we täze dünýä tertibiniň emele gelýändigini aýdyp dünýäde dowam edýän üýtgeşmeleriň arasynda sebit we halkara guramalar, esasanam "Şanhaý" we "BRICS" guramalary, ep-esli güýç we çeşmeler sebäpli gaty täsirli bolup biler diýip nygtady.
Hindistanyň Milli howpsuzlyk geňeşçisi hem dünýäde uly özgerişlikleriň bolup geçýändigini we ösüp barýan tehnologiýalaryň ýurtlaryň ykdysadyýetini öňkülerinden has köp baglanyşdyrandygyny aýdyp Hindistan bu üýtgeşmelere oňyn täsir etmek üçin goňşulary, esasanam Eýran bilen gatnaşyklarynyň çuňlaşdyrylmagyna we giňeldilmegine ynanýar diiýp nygtady.
