Kanani, Niderlandlardaky Gurany kemsitmegi ýazgardy

Eýran Yslam Respublikasynyň Daşary işler ministrliginiň metbugat sekretary Naser Kanani, Niderlandlarda Gurany kemsitmegiň gaýtalanmagyny ýazgardy.

IRNA-nyň habaryna görä, Naser Kanani Niderlandlar hökümetiniň dünýädäki iki milliarddan gowrak musulman ilatynyň dini gymmatlyklaryny we mukaddesliklerini kemsitmegiň öňüni almak we söz azatlygy ady bilen amala aşyrylýan şeýle ýigrenji hereketleriň gaýtalanmagynyň öňüni almak jogapkärçiligine düşüner diýlip garaşylýar diýdi.

Geçen şenbe güni Pegida ady bilen tanalýan yslama garşy toparyň lideri Niderlandlardaky türk ilçihanasynyň öňünde Guranyň bir nusgasyny ýene bir gezek ýyrtdy.

Gurany kerimiň kemsidilmegi soňky aýlarda Ýewropa ýurtlarynda ençeme gezek gaýtalandy we yslam ýurtlarynyň we halkara guramalarynyň nägileliklerine garamazdan dowam edýär.