Eýranyň Birleşen Milletler Guramasyndaky ilçisi: Sionist režimiň jenaýatlary palestinalylaryň hukuklarynyň aç-açan bozulmagydyr
Eýran Yslam Respublikasynyň Birleşen Milletler Guramasyndaky ilçisi we hemişelik wekili Sionist režimiň Palestina halkyna garşy eden jenaýatlaryny palestinalylaryň esasy hukuklarynyň we azatlyklarynyň aç-açan bozulmagy hasaplady.
IRNA-nyň anna güni beren hasabatyna görä, Eýran Yslam Respublikasynyň BMG-nyň Ženewadaky gullugyndaky ilçisi we hemişelik wekili "Ali Bahreini" Jyns taýdan kemsitmegiň ähli görnüşlerini ýok etmek baradaky konwensiýa gözegçilik edýän komitetiň 113-nji mejlisinde, Eýran Yslam Respublikasynyň, esasanam täze döwletiň çemeleşmesini göz öňünde tutup, jyns taýdan kemsitmeleri ýok etmek we çydamlylyk medeniýetini güýçlendirmek kararyna gelendigini aýtdy.
Eýranyň Birleşen Milletler Guramasyndaky ilçisi, jynsparaz we aparteid sionist režimiň Gazadaky ezilen we goragsyz palestina halkyna garşy alyp barýan duşmançylykly hereketlerine we jenaýatlaryna yşarat edip, bu režimiň jenaýatlaryny palestinalylaryň esasy hukuklarynyň we azatlyklarynyň aç-açan bozulmagy hasaplady.
Şeýle hem Bahreini Günbatar ýurtlary tarapyndan Eýran Yslam Respublikasynyň döwletine we halkyna garşy birtaraplaýyn mejbury çäreleri we rehimsiz sanksiýalary tankytlap, Geňeş agzalaryndan birtaraplaýyn mejbury çäreleriň konwensiýadaky käbir düzgünleriň durmuşa geçirilmegine päsgelçilik hökmünde täsirlerine üns bermegini isledi.
