Aragçi, BMG Howpsuzlyk Geňeşiniň sionist režimiň Eýrana garşy agressiýasy baradaky dymmagyny tankytlady
Eýran Yslam Respublikasynyň Daşary işler ministri müsürli kärdeşi bilen telefon arkaly söhbetdeşlikde BMG Howpsuzlyk Geňeşiniň we Halkara Atom Energiýasy Guramasynyň sionist režimiň Eýrana garşy agressiýasy baradaky dymmagyny tankytlady.
Pars Today habar gullugynyň habaryna görä, duşenbe güni telefon söhbetdeşliginde Eýran Yslam Respublikasynyň Daşary işler ministri Seýid Abbas Aragçi we Müsüriň Daşary işler ministri Badr Abdol Ati Sionist režimiň Eýrana garşy alyp barýan harby agressiýasy bes edilenden soň sebitdäki soňky wakalary gözden geçirdiler.
Bu söhbetdeşlikde Aragçi, Sionist režimiň Eýrana garşy hüjüminiň tutuş halkara jemgyýetçiligi, esasanam yslam ýurtlary we möhüm sebit guramalary tarapyndan ýazgarlandygyna yşarat edip, Birleşen Milletler Guramasynyň Howpsuzlyk Geňeşi we Halkara Atom Energiýasy Guramasy ýaly iki jogapkär halkara guramasy tarapyndan bu hüjümleri ýazgarmagyň ýokdugyny tankyt etdi we Eýran Yslam Respublikasynyň hüjümçini ýüze çykarmak we öwezini dolmak üçin çynlakaý tagalla edýändigini aýtdy.
Sionist režimiň agressiýasynyň bes edilmeginden kanagatlanýandygyny mälim eden Müsüriň Daşary işler ministri, bu sebitdäki dartgynlygy azaltmak, şol sanda Gazada ot açyşlygyň bes edilmegini ýola goýmak ýaly tagallalary dowam etdirýändigini aýtdy.
