Müsür Sionist režimiň Siriýa goşulyşmagyna garşy bolmagy
Müsüriň Daşary işler ministri öz ýurdunyň sionist režimiň Siriýa meselelerine goşulyşmagyna garşydygyny aýtdy.
Pars Today IRNA-a salgylanyp beren habaryna görä, Badr Abdul-Ati şenbe güni ABŞ-nyň prezidentiniň Arap, Günbatar Aziýa we Afrika meseleleri boýunça geňeşçisi Mossad Bolos bilen telefon arkaly gürleşdi.
Bu telefon söhbetdeşliginde iki tarap sebitdäki wakalary, esasanam Siriýadaky ýagdaýlary ara alyp maslahatlaşdy we Müsüriň Daşary işler ministri sionist režimiň Siriýa işlerine haýsydyr bir bahana bilen goşulmagyna garşydygyny aýtdy.
Abdel Ati, şeýle hem Müsüriň Siriýanyň halkyny goldamak we ýurduň özygtyýarlylygyna we territorial bitewiligine hormat goýmak isleýändigini aýtdy.
Müsüriň Liwana we onuň hökümetine berýän goldawyny dowam etdirip, ýaraşyk şertnamasyny we Sionist režimi Liwanyň günortasyndan derrew çykarmak zerur diýip hasaplady.
Sionist režimi soňky döwürde Siriýanyň Däruzilerini goldamak bahanasy bilen edýän hüjümleriniň güýjüni artdyrdy.
Düýn irden Siriýanyň Adam Hukuklary Obserwatoriýasy hasabatynda Sionist režiminiň 2025-nji ýylyň başyndan bäri Siriýada iň güýçli howa hüjümini 20 sany bombalama bilen amala aşyrandygyny habar berdi.
Bu merkeziň habar bermegine görä, Damaskyň etegindäki Kasioun dagynda, Barzehde we Harastada ýerleşýän harby merkezler we bazalar bu bombalamalaryň nyşana alnan ýerlerinden biridir.
Sionist režimiň söweş uçarlary Azra şäherinde tanklaryň we sowutly ulaglaryň ýerleşýän ýerini, Daraadaky Muthabiin raketa batalýonyny we Latakiýa welaýatynyň Jabal al-Şuara howa gorag batalýonyny nyşana aldy.
Siriýada bombalanan beýleki nyşanalaryň arasynda Hama welaýatynda we Demirgazyk Kuneitra welaýatynda Siriýanyň wagtlaýyn hökümeti bilen baglanyşykly söweşijileriň okuw bazalarydyr.
