Eýranyň Russiýa bilen dürli ugurlarda gatnaşyklaryny giňeltmäge berýän ünsi
Aýry-aýry habarlarda Eýranyň Yslam şura mejlisiniň başlygy, Daşary işler ministri we Eýran Yslam Respublikasynyň prezidentiniň birinji orunbasary Russiýanyň Milli gününiň gelmegini gutladylar.
Eýranyň Yslam şura mejlisiniň başlygy Muhammet Bager Galibaf anna güni aýry-aýry hat arkaly Russiýa Federasiýa Geňeşiniň prezidenti Walentina Matwiýenko we Russiýa Döwlet Dumasynyň prezidenti Wýaçeslaw Wolodin Russiýany Milli güni bilen gutlap Tehran bilen Moskwanyň arasyndaky parlament hyzmatdaşlygyna ünsi çekip, umumy bähbitleri ösdürmekde we olaryň arasyndaky gatnaşyklary çuňlaşdyrmakdaky roluny möhüm hasaplady.
Eýranyň Daşary işler ministri Muhammet Jawad Zarif hem Russiýanyň Daşary işler ministri Sergeý Lawrowa iberen hatynda Tehran-Moskwa gatnaşyklaryna yşarat edip Iki ýurduň ýolbaşçylarynyň we ýokary wezipeli işgärleriniň umumy bähbitleri üpjün etmek we sebitleýin we halkara durnuklylygy we howpsuzlygy üpjün etmek maksady bilen ikitaraplaýyn gatnaşyklaryň dowam etjekdigine we çuňlaşjakdygyna umyt bildirdi.
Eýranyň prezidentiniň birinji orunbasary Yshak Jahangiri hem Russiýanyň premýer-ministriniň birinji orunbasary Mihail Wladimirowiç Mişustine habar iberip, ony ýurduň milli güni bilen gutlap Soňky ýyllarda iki ýurduň arasyndaky ykdysady gatnaşyklaryň ösdürilmegini göz öňünde tutup, iki ýurduň bähbitlerini üpjün etmek üçin ykdysady, söwda, ylmy, tehniki we medeni ugurlardaky gatnaşyklaryň giňeljekdigine we çuňlaşjakdygyna umyt bildirdi.
