Eýran we Russiýa, global meseleleri çözmekde birtaraplaýynlyga garşylygy nygtaýarlar
Eýran we Russiýanyň daşary işler ministrleri global krizisleri çözmekde bir taraply çemeleşmelere garşy duurlmagyň zerurdygyny aýtdylar.
Sişenbe güni Eýranyň Daşary işler ministri Muhammet Jawad Zarif we Russiýanyň Daşary işler ministri Sergeý Lawrow "Eýran Yslam Respublikasynyň we Russiýa Federasiýasynyň Halkara hukugyny ösdürmek baradaky Jarnamasy" atly beýannamada Tehran we Moskwa derwaýys sebit we global meseleleri çözmek üçin halkara hukugynyň belli ýörelgelerine we kadalaryna esaslanýan deňhukukly we köptaraplaýyn çemeleşmeleri işjeň ösdürmegi maksat edinýärler diýdiler.
Eýran we Russiýa, Birleşen Milletler Guramasynyň Tertipnamasynda we Birleşen Milletler Guramasynyň jarnamasyna laýyklykda döwletleriň arasyndaky dostlukly gatnaşyklar we hyzmatdaşlyk baradaky halkara hukugynyň ýörelgeleri baradaky 1970-nji ýyldaky Jarnamada görkezilen halkara hukugynyň ýörelgelerine doly ygrarlydyklaryny tassykladylar.
Zarif we Lawrow hökümetleriň garaşsyzlyk we deňlik esasynda öz hukuklaryndan peýdalanýandyklaryny, we borçlary birek-birege hormat esasyna boýun alýandyklaryny aýtdy.
