Şamhani:Duşmanlar Eýran bilen Owganystanyň arasyndaky gowy gatnaşyklary nyşana aldylar
Eýranyň Milli Howpsuzlyk ýokary Geňeşiniň sekretary ABŞ-nyň sebitdäki söweş syýasatlaryny açyklap beren gürrüňlerinde Musulman ýurtlarynyň duşmanlary täze taslama bilen iki ýurduň arasyndaky raýdaşlygyň dowam etmeginiň öňüni almak üçin Eýran bilen Owganystanyň arasyndaky gowy gatnaşyklary nyşana alandyrlar.
Ali Şamhani şu gün Tähranda Owganystanyň daşary işler ministrliginiň jogapkäri Muhammet Hanif Atmar bilen duşuşyp, Eýranyň üç milliondan gowrak owgan bosgunyny kabul edendigini we hyzmat, abadançylyk, saglyk we bilim pudaklarynda dürli şertler bilen üpjün edilendigini aýtmak bilen Owganystanyň halkyna Eýranyň hökümetiniň we milletiniň goldaw bermeginiň dowam etjekdigini nygtady.
Eýranyň Milli Howpsuzlyk ýokary Geňeşiniň sekretary, Eýrana bikanun giren bir topar owgan raýatynyň ölümine gynanç bildirip Eýranyň düzgünçi güýçleri bu wakanyň emele gelmeginde hiç hili rol oýnamasa-da, käbir owgan resmileri we habar beriş serişdeleri tarapyndan döredilen agyr we resminamasyz habar atmosferasy geň galdyryjydyr diýip yglan etdi.
Owganystanyň daşary işler ministrliginiň jogapkäri Muhammet Hanif Atmar hem Eýranyň birnäçe ýyl bäri Owganystanyň hökümetine we halkyna edýän täsirli we hemmetaraplaýyn goldawyna ýokary baha berdi we hiç bir üçünji tarapyň iki ýurduň arasyndaky gatnaşyklara zeper ýetirmegine ýol bermeris diýdi.
