Türkmenistanyň Ykdysadyýeti Ösdi
Pandemiki şertler sebäpli dünýäde ýüze çykan agyr şertlere garamazdan Türkmenistanda makro-ykdysady durnuklylygy dowam etdirilýär.
Pandemiki şertler sebäpli dünýäde ýüze çykan agyr şertlere garamazdan Türkmenistanda makro-ykdysady durnuklylygyň dowam etdirilip, soňky iki aýda 5,9 göterim ösüş edendigi habar berildi.
Türkmenistanda ykdysady meseleler boýunça iş maslahaty geçirildi. Maslahata Prezident Gurbanguly Berdimuhamedowyň ýolbaşçylygynda Ministrler kabinetiniň agzalary, ýurdun maliýe we ykdysady býurokratlary bilen banklaryň ýolbaşçylary gatnaşdylar.
Türkmenistanyň lideri dünýäniň ykdysady bazarlaryndaky durnuksyzlygyň dowam edýändigini, ösen ykdysadyýetlerde ösüş depgininiň gowşandygyny, nebitiň we tebigy gazyň nyrhynyň günsaýyn peselýändigini beýan etdi. Bu şertleriň halkara bazalarda goýulýan maýa goýumlaryna ýaramaz täsir ýetirýändigini aýtdy.
Ähli ýaramaz şertlere garamazdan Türkmenistanda makroykdysady durnuklylygyň goralyp saklanandygyny nygtap, ýurdun ykdysadyýetiniň soňky iki aýda 5,9 göterim ösüş edendigini beýan etdi. Global ykdysady çökgünligiň ýaramaz şertlerini ortadan aýyrmak üçin täze ykdysady şertlere uýgunlaşylandygyny, maliýe taýdan we pul syýasatlarynda özgertmeleriň üstünlikli iş ýüzüne geçirilendigini nygtady.
Häzirki wagtda Türkmenistanda ýangynç-energetika pudagyna 8,8 milliard dollar, gurluşyk we senagat pudagyna 2,6 milliard dollardan gowrak, ulaglar we aragatnaşyk pudaklaryna 1,05 milliard dollar we oba hojalyk pudagyna 822 million dollar maýa goýuldy.
Şol maýa goýumlar boýunça karzlaryň mukdary 607,7 million dollara barabar boldy. Maslahatda karzlaryň öz möhletinde tölenmegi we önümçilik bilen birlikde eksport ukybynyň ýokarlandyrylmagy üçin hem käbir çäreler görüldi.
