Gyrgyzystan Türkmenistan bilen bilelikdäki ösüş gaznasyny döretmegi teklip etdi

Gyrgyzystanyň Daşary işler ministri Türkmenistan bilen bilelikdäki ösüş gaznasyny döretmegi teklip etdi.

Fars habar gullugynyň habaryna görä, bu teklip Türkmeniň Daşary işler ministri Raşid Meredow bilen Gyrgyzystanly kärdeşi Ruslan Gazagybaýewiň Yslamabatda geçirilen Yslam Hyzmatdaşlyk Guramasynyň mejlisiniň çäginde bolan duşuşygynda ara atyldy.

Söhbetdeşlikde bu gaznanyň döredilmeginiň iki ýurduň arasyndaky söwda we ykdysady hyzmatdaşlygy ösdürmek üçin amatly şertleri döretmäge kömek etmelidigi nygtaldy.

Iki tarap şeýle hem ýakyn wagtda geçiriljek Dördünji Merkezi Aziýa sammitini ara alyp maslahatlaşdylar we sebitleýin hyzmatdaşlygy ösdürmek üçin bu gepleşikleri dowam etdirmegiň möhümdigini aýtdylar.