Eýran Siriýanyň Aleppo şäherine garşy amala aşyrylan himiki hüjümi ýazgardy
Eýranyň daşary işler ministrliginiň metbugat wekili Bahram Gasemi terrorçy toparlaryň Siriýanyň Aleppo şäheriniň ilat oturymly sebitlerine garşy amala aşyran hüjümlerini ýazgardy.
şu gün Bahram Gasemi terrorçy toparlaryň Siriýanyň Aleppo şäheriniň ilat oturymly sebitlerine garşy ýola beren himiki hüjümleri babatly howatyrlanma bildirmek bilen ynsançylyga ýaraşmaýan terrorçylaryň bu hilli jenaýatlary sebitleýin we sebit aşa käbir ýurtlaryň terrorçylara berýän maliýe,syýasy we harby kömekleriniň netijesidir diýdi.
Öten agşam terrorçylar Aleppo şäheriniň ilat oturymly sebitlerini hlor gazly raketalar bilen hüjüm astyna aldylar.Siriýanyň Aleppo şäheriniň Al-Halediýe we Jamiýat Al-Zahra sebitlerinde terrorçylaryň amala aşyran himiki hüjümlerinde ýaraly bolanlaryň sany bir ýüz adama ýetendir.
terrorçylar mundan ozal hem Damask döwletini himiki hüjümlere baş goşmakda aýyplamak niýeti bilen Siriýanyň Han Şeýhun we Gündogar Guta sebitlerinde himiki hüjümleri amala aşyrypdylar.terrorçylar şeýdip Günbataryň Siriýa garşy harby hüjümlerine şert döretjek bolýandyrlar.
