Ysraýylyň Gaza guran hüjüminde 1 žurnalist şehit boldy
Ysraýylyň harby uçarlary Gazanyň günbataryndaky Şeýh Rydwan etrapçasynda ýerleşýän bir öýi 3 raketa bilen bombalady
Ysraýylyň harby uçarlary Gazanyň günbataryndaky Şeýh Rydwan etrapçasynda ýerleşýän bir öýi 3 raketa bilen bombalady.
Ysraýylyň Gaza guran hüjüminde ýerli radioda işleýän 1 žurnalist şehit boldy, şeýlelik bilen şehit bolan palestinalylaryň sany 221 adama ýetdi
Beýleki tarapdan palestinaly garşylyk güýji hüjümlere garşylyk görkezmek maksady bilen, Gazadan Ysraýyl tarapyna raketa atmaga dowam edýär.
Dartgynlygyň başlan günüden bäri atylan raketalar sebäpli Ysraýylda 12 adam ýogaldy.
Beýleki tarapdan bolsa Ysraýylyň howpsuzlyk güýçleriniň basyp alyşlyk astyndaky Günbatar Şerianyň biri-birinden tapawutly ýerlerinde Gaza goldaw bermek maksady bilen geçirilen demonstrasiýalarda 4 palestinaly hakyky oklar sebäpli şehit boldy.
Palestinanyň Gyzyl ýarymaý jemgyýetinden berilen ýazmaça beýanatda, ysraýylly esgerleriniň aşa güýç ulanmagy netijesinde 182 palestinaly hakyky oklar, 195 palestinaly plastik oklar, 120 palestinaly ýykylyp we ýanyp, 6 palestinaly dyknyşyklar sebäpli jemi 503 palestinalynyň ýaralanandygy aýan edildi.
Beýanatda 931 palestinalynyň bolsa gözüňi ýaşardýan gazdan zäherlenendigi mälim edildi.
Soňky habarlar Gaza zolagynda ýangyç çeşmeleriniň bütinleý diýen ýaly tükenendigini görkezýär, Birleşen Milletler Guramasy bolsa Ysraýylyň basyp alyjy güýç hökmünde Gaza zolagyna girmeginiň öňüni almazdan,Palestina azyk, ýangyç we lukmançylyk enjamlary ýaly ynsanperwer kömegini bermelidigini aýdýar.
