Belarussiýa we Russiýa umumy harby türgenleşiklerini dowam etdirer
Belarussiýa we Russiýa umumy harby türgenleşiklerini dowam etdirjekdiklerini habar berdiler.
Ukrainanyň gündogaryndaky Donbassda ýagdaýyň erbetleşmegi we serhetdäki harby işjeňligiň artmagy sebäpli Russiýanyň we Belarussiýanyň umumy harby türgenleşiklerini dowam etdirjekdigi beýan edildi
Belarussiýanyň Goranmak ministri Wiktor Hrenin, 10-20-nji fewral aralygynda Belarussiýanyň we Russiýanyň Ýaragly güýçleriniň arasynda geçirilen "Ýaranlyk tutanýerliligi 2022" umumy harby türgenleşigiň tamam bolmagy bilen bagly beýanat berdi.
Belarussiýa-Russiýa Bileleşigi döwletiniň serhetlerindäki harby işjeňlige ünsleri çeken Hrenin: "Bileleşik döwletiniň serhetleriniň golaýynda harby işjeňligiň artmagy we Donbassdaky ýagdaýyň agyrlaşmagy bilen bagly Belarussiýanyň we Russiýanyň Döwlet baştutanlary, Bileleşik döwletiniň harby birikmeleriniň harby türgenleşiklerini dowam etdirmekleri barada karara geldiler" diýip aýan etdi.
Hrenin ozalky türgenleşiklerde jikme-jik ýagdaýda ele alynmadyk tälimleriň nobatdaky türgenleşiklerde Bileleşik döwletiň goralmagy üçin ünsli ýagdaýda üstünde duruljakdygyny belläp, harby türgenleşikleriň umumy serhediň golaýyndaky gowy niýetli bolmadyk harby taýarlyklara jogap bermäge we dartgynlygyň azaldylmagy bilen baglanşykly boljakdygyny beýan etdi.
Goňşy döwletleriň territoriýasynda, beýleki döwletleriň birikmeleri bilen birlikde köp sanda harby birikmeleriň ýerleşdirilendigini aýdan Hrenin şol ýagdaýyň Belarussiýa we Russiýa garşydygyny belledi.
Russiýanyň Goranmak ministrligi, Ukraina serhediniň golaýynda geçirlen türgenleşikden soň käbir tanklaryň we harby güýçleriň bazalaryna dolanandyklaryny mälim etdi.
Emma,Russiýa Hazar deňizinde 20-ä golaý harby gäminiň gatnaşmagynda Hazar deňizinde harby türgenleşik başladandygyny habar berdi.
Russiýanyň Goranmak ministrligi harby türgenleşik bilen bagly beýannama berdi.
Beýannama görä 20-ä golaý harby gäminiň gatnaşmagynda Hazar deňizinde harby türgenleşik geçirilýär.
Russiýa bilen Ukrainanyň arasyndaky dartgynlyk sebäpli dünýä Russiýanyň harby hereketliligine ýakyndan gözegçilik edýär.
Şeýlede,Russiýanyň Goranmak ministrliginden berlen ýazmaça beýannamada, Günbatar harby zolagyna degişli käbir tanklaryň we harby güýçleriň türgenleşikden soň Nižniý Nowgorosdaky bazalaryna dolanandyklary nygtaldy.
Rus flodyndan berlen başga bir beýannamada bolsa, Krymdaky harby hereketlilik hakynda maglumat berildi.
Beýannamada “Türgenleşigiň çäginde Krymdaky 10 sany Su-24 uçary, Russiýanyň başga ýerlerindäki harby bazalara ornaşdyryldy” diýildi.
