Moskwa bilen Tel Awiwiň arasyndaky dartgynlylygyň ýokarlanmagy
https://parstoday.ir/tk/news/world-i16482-moskwa_bilen_tel_awiwiň_arasyndaky_dartgynlylygyň_ýokarlanmagy
Russiýa bilen Ysraýyl režiminiň arasynda Ukraina baradaky dartgynlylygyň dowamynda, Russiýanyň Daşary işler ministrligi ýekşenbe güni Sionist režiminiň ilçisini çagyrdy.
(last modified 2022-04-18T10:50:27+00:00 )
Apr 18, 2022 15:50 Asia/Ashgabat
  • Moskwa bilen Tel Awiwiň arasyndaky dartgynlylygyň ýokarlanmagy

Russiýa bilen Ysraýyl režiminiň arasynda Ukraina baradaky dartgynlylygyň dowamynda, Russiýanyň Daşary işler ministrligi ýekşenbe güni Sionist režiminiň ilçisini çagyrdy.

IRNA-nyň habaryna görä, Russiýanyň bu karary Sionist režiminiň Daşary işler ministriniň Ukraina edilen hüjümi ýazgarýan soňky pozisiýasyna esaslanýar.

Sionist režimiň Russiýanyň Ukraina çozmagy baradaky pozisiýasy birneme düşnüksizdi. Bir tarapdan, BMG Baş Assambleýasynyň ýygnagynda Ukrainan çozmagyny ýazgarýan we Russiýanyň BMG Adam Hukuklary Geňeşinden çykarylmagyny isleýään kararyny goldady, beýleki tarapdan bolsa, Günbataryň Russiýa garşy girizen sanksiýalaryna goşulmajakdygyny mälim etdi.

Ysraýylyň Daşary işler ministri Ýair Lapid ýakynda (17-nji aprel) Russiýanyň uruş jenaýatyny edendigini aýtdy we Ysraýylyň BMG Adam Hukuklary Geňeşinde Günbatar ýurtlarynyň köpüsi bilen birlikde ses bermegi bilen Russiýa bu geňeşden çykaryldy.

Russiýa Lapidiň sözlerini we Ysraýylyň şol geňeşdäki ses berişligini "gynandyryjy" diýip atlandyrdy.

Öň görlüp-eşidilmedik ädimde Russiýa Ysraýylyň Siriýadaky soňky howa zarbalarynyň jikme-jikliklerini ýaýratdy we Ysraýyl tarapyndan Al-Aqsa metjidinde bolup geçen wakalary berk taňkytlamak bilen, Ysraýylyň Gazany palestinalylar üçin uly türmä öwrendigini aýtdy.

Russiýa, Ysraýylyň dünýädäki iň gadymy konfliktleriň biri bolan Palestina meselesi boýunça halkara jemgyýetçiliginiň pikirini sowmak üçin Ukrainadaky ýagdaýdan peýdalanýandygyny ýazýar.

Ysraýyl režimi Russiýanyň berk syýasy beýanatyna jogap bermekden ýüz öwürdi.