Si Szinpin Makron bilen telefon arkaly gürrüňdeş boldy

Hytaýyň Döwlet başlygy Si Szinpin, Fransiýanyň Prezidenti Emmanuel Makrona Russiýanyň we Ukrainanyň gepleşikler arkaly parahatçylyga gaýdyp gelmekleriniň goldanmaklarynyň gerekdigini habar berdi

Hytaýyň Döwlet başlygy Si Szinpin düýn Fransiýanyň Prezidenti Emmanuel Makron bilen telefon arkaly söhbetdeş boldy. 

Iki lider degişli taraplaryň Russiýanyň we Ukrainanyň gepleşikler arkaly parahatçylyga gaýdyp gelmekleriniň goldanmaklarynyň gerekdigini beýan etdiler. 

24-nji fewraldan bäri dowam edýän Russiýa-Ukraina çaknyşygynyň barha dartgynlaşyp bloklaryň arasynda tersleşmä öwrülmeginiň global howpsuzlyk we durnuklylyk üçin has uly we uzak möhletleýin howplar emele getirip biljekdigini aýdan Si Szinpin, onuň öňüniň alynmagy üçin taraplara seresap bolmaklary barada çagyryş berdi. 

Hytaýyň parahatçylyk gepleşiklerini öz usuly bilen höweslendirýändigini aýdan Si Szinpin, ýurdunyň Ýewropanyň öz howpsuzlygyna eýe bolmagyna goldaw berýändigini belledi. 

Iki lider Hytaý-Fransiýa gatnaşyklary we Hytaý-ÝB gatnaşyklary barada hem pikir alyşdylar. 

Fransiýanyň we Hytaýyň Ukraina babatynda ençeme umumy düşünjä eýedigini aýdan Makron bolsa, ýurdunyň Hytaý bilen ikitaraplaýyn we köptaraplaýyn ýagdaýda has ýakyn hyzmatdaşlyga taýardygyny habar berdi. 

Makron Fransiýanyň we ÝB-niň strategik özygtyýarlylygyň tarapdarydygyny, bloklararasy tersleşmäniň tarapdary bolmandygyny we oňa goşulmajakdygyny nygtady. 

 Emma Ukrainanyň Baş ştaby, söweşiň başlan güni bolan 24-nji fewraldan bäri 26 müň 650 rus esgeriniň ýogalandygyny, 199 uçaryň, 161 dikuçaryň we 1195 tankyň hatardan çykarlandygyny mälim etdi.

Ukrainanyň Baş ştabyndan berlen beýannamada, rus goşunynyň fewral aýynyň 24-i bilen maý aýynyň 12-si aralygynda çeken ýitgisi hakynda maglumat berildi.

Beýannamada, rus goşunyndan soňky 24 sagatda ýene-de 300 esgeriň ýogalandygy nygtaldy.

Beýannamada, rus goşunyndan häzire çenli 26 müň 650 esger ýogaldy. Ruslara degişli 199 uçaryň, 161 dikuçaryň, 1195 tankyň, 2 müň 873 sowutly ulagyň, 534 topuň, 191 raketa ulgamy bilen 87 howa goranyş ulgamynyň hatardan çykarlandygy nygtaldy.

Beýannamada, rus güýçlerinden 2019 uçar, 13 gämi, 398 uçarmansyz howa ulagynyň hem hatardan çykarlandygy bellenildi.

Russiýanyň Goranmak ministrliginden 25-nji martda berlen beýannamada, Ukrainada 1351 rus esgeriniň öldürlendigi nygtalypdy.