Hytaý we Ýewropa Geňeşi ikitaraplaýyn gatnaşyklaryň giňelmegini nygtadylar
Hytaý Respublikasynyň Prezidenti we Ýewropa Geňeşiniň başlygy dürli ugurlarda ikitaraplaýyn gatnaşyklaryň ösmegini nygtadylar.
Sputnik habar gullugynyň habaryna görä, Hytaý respublikasynyň prezidenti "Si Szinpiniň" resmi çakylygy bilen düýn Pekine gelen Ýewropa Geňeşiniň prezidenti "Çarlz Mişel" Onuň bilen bolan duşuşygynda Hytaý-Ýewropa gatnaşyklary, sebit we global we ikitaraplaýyn meseleler ara alnyp maslahatlaşyldy.
Ýewropa Geňeşiniň prezidenti Pekin bilen ikitaraplaýyn gatnaşyklaryň giňelmegine ünsi çekmek bilen Hytaýyň prezidentine Ýewropa Bileleşiginiň birleşen Hytaýyň syýasatynyň garaşsyzlygyna, özygtyýarlylygyna we goralyp saklanmagyna hormat goýýandygyna we bu ýurduň içerki işlerine goşulmajakdygyna ynam berdi.
Çarlz Mişel, Ýewropa Bileleşiginiň energiýa krizisine we howanyň üýtgemegine has gowy çemeleşmek üçin Hytaý bilen gatnaşyklaryny giňeltmäge taýýardygyny aýtdy.
Ýewropa Geňeşiniň prezidenti şeýle-de Hytaýyň prezidenti Si Szinpinden Ukraina bilen Russiýa arasyndaky söweşi bes etmek üçin Moskwa täsirinden peýdalanmagyny isledi.
Si Szinpin bu duşuşykda Çarlz Mişeli garşy alanda, Pekine eden saparynyň Ýewropa Bileleşiginiň Hytaý bilen gatnaşyklary ösdürmek baradaky gowy niýetlerini görkezýändigini aýtdy.
Hytaýyň prezidenti sözüniň dowamynda Hytaý-Ýewropa gatnaşyklaryny saklamak we giňeltmek Hytaý, Ýewropa we halkara jemgyýetçiliginiň bähbidine bolar diýdi.
Si Szinpin, şeýle hem Ýewropa Bileleşiginiň Ukraina krizisini çözmekde we Ýewropa howpsuzlygy üçin durnukly gurluş döretmekde roluny güýçlendirmegi goldamak bilen bu krizisi gepleşikler we syýasat arkaly çözmek Ýewropa ýurtlarynyň we sebitiň bähbidinedir diýdi.
