BMG, Sudanda Türk Ilçisine Guralan Hüjümi Ýazgardy
BMG, Türkiýäniň ilçisi Çobanoglunyň diplomatik ulagyna guralan hüjümi ýazgardy.
BMG, Türkiýäniň Sudandaky Adatdan daşary we Doly ygtyýarly ilçisi Ismail Çobanoglunyň diplomatik ulagyna guralan hüjümi ýazgardy.
Diplomatik ulag kerweniniň nyşana alynmagy meselesinde beýannama beren BMG-nyň Baş sekretarynyň metbugat geňeşçisiniň orunbasary Farhan Hag, “Hepdäniň ahyrynda türk diplomatlaryny alyp barýan ulag kerwenine guralan hüjümi ýazýargarys” diýdi.
Hag, hüjüm hakynda giňişleýin derňew işiniň gozgalmalydygyny aýtdy.
Sudanda, Türkiýäniň Hartumdaky Adatdan daşary we Doly ygtyýarly ilçisi Ismail Çobanoglunyň diplomatik ulagyna ilçihananyň golaýynda od açylypdy.
Sudanyn harby goşuny bilen HDK güýçleri ilçi Çobanoglunyň diplomatik ulagyna guralan hüjüm meselesinde biri-birini günäkärledi.
Daşary işler ministri Mewlüt Çawuşoglu, ilçi Ismail Çobanoglunyň diplomatik ulagyna guralan hüjüm hakynda beren beýannamasynda “Wakada ýaralanan bolmady” diýipdi.
Sudanda harby goşun bilen HDK güýçleriniň arasyndaky çaknylyklar dowam edýär.
Paýtagt Hartumda düýn gije güýçli çaknyşyklar boldy.
Beýleki tarapdan iki tarap, Saud Arabystanynyň Jidde şäherinde geçirýän gepleşiklerini dowam etdirýär.
Sudanda bolan çaknyşyklar sebäpli käbir fabriklerde ýangyn boldy.
Harby goşun, 3-nji maýda, hüjümleriň bes edelmegi baradaky ylalaşygyň ýene-de bir hepde uzadylmagyny göz öňünde tutýan Gündogar Afrika hökümetara galkynyş meýilnamasynyň teklibini kabul edendigini mälim edipdi.
HDK bolsa 5-nji maýda, ABŞ bilen Saud Arabystanynyň töwellaçylyk tagallasy netijesinde sebite ynsanperwer kömeginiň berilmegi üçin ylalaşygyň möhlediniň 72 sagat uzadylandygyny aýan edipdi.
Sudanyň Saglygy goraýyş ministrligi, harby goşun bilen HDK güýçleriniň arasynda 15-nji aprelde başlan çaknyşyklarda häzire çenli 460 adamyň ýogalandygyny mälim etdi.
Ministrlik tarapyndan berlen beýannamada, 11 welaýatda dowam edýän çaknyşyklarda 4 müň 63 adamyň hem ýaralanandygy nygtaldy.
Beýannamada, soňky iki günde ýaralananlaryň we ýogalanlaryň sanynyň azalandygy bellenildi.
Hassahanalaryň kadaly ýagdaýda işlemegi üçin degişli çäreleriň görlendigi ýatladyldy.
Sudanyn paýtagty Hartumda we beýleki şäherlerde 15-nji aprelde ir ertir Sudanyň harby goşuny bilen HDK harby güýçleriniň arasynda çaknyşyklar başlapdy.
Harby goşun bilen HDK-nyň arasynda, “HDK-nyň dolulygyna harby goşunyň hataryna goşulmagyny” göz öňünde tutýan harby howpsuzlyk reformasy meselesinde birnäçe aý dowam eden düşnüşmezlik çaknyşyklara öwrülipdi.
