Putin Söweş Habarçylary Bilen Söhbetdeş Boldy
Russiýanyň Prezidenti Wladimir Putin Belgoroda guralýan hüjümlere garşy Russiýanyň territoriýasyny goramak üçin Ukrainada “ara zolak” döretjekdiklerini beýan etdi.
Resmi Kiýewiň 4-nji iýundan bäri uly göwrümli garşy hüjüme başlandyğyna ünsi çeken Putin; “Şol uly göwrümli hüjüm Wremewskiý çykgydynda, Şahtar we Zaporožýe taraplarynda başlady. Hüjüm strategik ätiýaçlaryň peýdalanylmagy bilen başladyldy. Häzirki wagtda-da dowam edýär. Duşman hiç ýerde üstünlik gazanyp bilmedi. Uly ýitgileri bar” diýdi.
Putin şol çaknyşyklarda rus goşunlarynyň 54 tankynyň, ukrain goşunlarynyň bolsa 160-dan gowrak tankynyn we 360 sowutly ulagynyň hatardan çykandygyna ünsi çekip, Kiýewiň hatardan çykan harby tehniki ulaglarynyň 25-30 göteriminiň ýurduň daşynda getirilendigini beýan etdi.
Kahowka bendiniň partladylmagy boýunça Ukrainany günäkärlän Putin, Russiýanyň bendiň partladylmagy bilen arabaglanşygynyň ýokdugyny, sebäbi partlamanyň netijelerinin Russiýanyň gözegçiligindäki ýerlerde şertleri agyrlaşdyrandygyny gürrüň berdi.
Wladimir Putin Ukraina serhedinde ýerleşýän Belgorod welaýatynda Ukraina tarapyndan sabbotaž toparlary, raketa we uçarmansyz howa ulaglary bilen guralýan hüjümleriň dowam edýändigine ünsi çekip, serhedi berkitmek üçin degişli çarelerin görülýändigini aýtdy.
Russiýanyň döwlet Ýolbaşçysy Wladimir Putin rus gallasynyň çykarylmagyna rugsat berilmeýän hem bolsa, Gara deňiz galla başlangyjy ylalaşygyna Ukrainanyň bähbitleri üçin däl, eýsem Afrikadaky we Latyn Amerikadaky dost ýurtlar üçin gol çekendiklerini beýan etdi.
Şeýle-de Russiýanyň düýn gije Ukrainanyň Kriwoý Rog şäherine guran giň gerimli raketaly hüjümlerinde asuda ilatyň ýaşaýan bina nyşana alyndy. Wakada ilkinji kesgitlemelere görä 3 adam ýogaldy, 25 adam ýaralandy.
Kriwoý Rog şäheriniň häkimi Oleksandr Wilkul, rus hüjümlerinde köp sanda binanyň nyşana alynandygyny habar berdi.
Raketalaryň biriniň 5 gatly binanyň birine degmegi netijesinde ilkinji kesgitlemelere görä asuda ilatdan 3 adam ýogaldy, 25 adam ýaralandy.
Ukrainanyň paýtagty Kiýew şäherine hem howa hüjümleri guraldy.
Ukrainanyň goşuny Kiýewe atylan raketalaryň ählisiniň howa goranyş ulgamlary tarapyndan täsirsiz ýagdaýa getirilendigini aýan etdi.
Beýleki tarapdan BMG-nyň Baş sekretary Antoniu Guterriş Russiýanyň 17-nji iýulda Gara deňiz Galla geçelgesi ylalaşygyndan çekiljekdigi baradaky beýanatyna alada bildirýändigini habar berdi.
Russiýa we Ukraina Türkiyäniň we BMG-nyň araçylyk etmeginde Ukrainanyň Gara deňizdäki Russiýanyň gabawy astynda bolan portlaryndan galla eksport etmegine mümkinçilik berýän Galla geçelgesi ylalaşygyna geçen ýyl gol çekipdiler.
Moskwa öz galla we dökün eksportyndaky päsgelçilikler aýrylmasa, ylalaşykdan çekiljekdigini beýan edýär.
