Rus we Ukrain Ýesirleri Çalşyldy
Russiýa bilen Ukrainanyň arasyndaky ýesir çalşygynda 47 ukrain we 45 rus egeri boşadyldy.
Russiýanyň Goranmak ministrliginden berilen beýannamada, iki ýurduň arasynda ýesir çalşygynyň edilendigi habar berilip; “45 rus esgeri Ukrainadan ýesirlikden halas edildi. Boşadylanlara degişli lukmançylyk we pisiki kömek berilýär. Gysga möhletde bejergi we rehabilitasiýa üçin Russiýanyň Goranmak ministrligine degişli lukmançylyk merkezlerine getirilerler” diýilýär.
Ukrainanyň Prezidentiniň Diwanynyň Başlygy Abdriý Ýerman bolsa sosial mediada beren habarnamasynda, 45 esgeri we asuda ilatdan 2 adamy ruslardan ýesirlik halas etmegiň hötdesinden gelendiklerini beýan etdi. Boşadylanlaryň hatarynda ýarly esgerleriň hem bardygyny beýan eden Ýermak, Ukrainanyň harby ýesirlere kömek merkezi bilen bilelikde Prezident Wladimir Zelenskiýniň ähli ýesirleri halas etme maksadyna ýetmek üçin tagallasyny dowam etdirýändigini nygtady.
Ukrainanyň Içeri işler ministri Igor Klimenko sosial media hasabyndan beren beýanatynda, Rus goşunynyň düýn gije asuda ilata garşy hüjümler gurandygyny mälim etdi.
Rus raketasynyň Lwow şäherindäki ýaşaýyş binalaryň birine degendigini aýdan Igor Klimenko, ýaşaýyş binasynyň 3-nji we 4-nji gatlaryna zeper ýetendigini aýan etdi.
Igor Klimenko wakanyň bolan ýerinde gözleg we halas ediş işleriniň dowam edýändigini belläp: "Ýerli wagt bilen sagat 07:00-a çenli 4 adam ýogaldy, 9 adam ýaralandy, 7 adam halas edildi, 64 adam ewakuasiýa edildi" diýip habar berdi.
Igor Klimenko harabalyklaryň aşagynda adamlaryň galan bolup biljekdigini beýan etdi.
Beýanatda rus goşunynyň soňky 1 günde ukrainaly esgerleriň liniýalaryna we ýerleşýän ýerlerine 59 howa hüjümini gurandygy, köp nilli raketa ulgamlaryndan 65 ok atandygy aýan edildi.
2022-nji ýylyň 24-nji fewralynda Russiýanyň Döwlet baştutany Wladimir Putin, Ukrainanyň basylyp alynmagy barada görkezme beripdi we şeýlelik bilen Russiýa-Ukraina söweşi başlapdy.
Putin Kiýewiň NATO agzalygynyň öňüni almak we ony Russiýanyň täsiri astynda saklamak üçin ýurduň ýaragsyzlandyrylmagyny we nasistlerden saplanmagyny maksat edinýändigini belläpdi.
