Peskow Ukrainanyň Russiýa guraýan hüjümleri barada beýannama berdi
Dmitriý Peskow paýtagt Moskwa şäherinde metbugat işgärleriniň gün tertibiniň ileri tutulýan ugurlary bilen bagly soraglaryna jogap berdi.
Russiýanyň hökümetiniň metbugat geňeşçisi Dmitriý Peskow, Ukrainanyň Russiýadaky raýat infrastrukturasyna garşy hüjümler gurandygyny belläp: "Kiýew režimi terrorçylykly hüjüm taktikalaryny ulanýar" diýip nygtady.
Dmitriý Peskow paýtagt Moskwa şäherinde metbugat işgärleriniň gün tertibiniň ileri tutulýan ugurlary bilen bagly soraglaryna jogap berdi.
Russiýanyň Saud Arabystanynda Ukraina krizisiniň çözüwi bilen baglanşykly geçirilmegi meýilleşdirilen maslahat bilen ýakyndan gyzyklanjakdyklaryny aýdan Peskow: "Resmi Kiýewiň häzirki çemeleşmesi bilen parahatçylyk ylalaşygyny gazanmak mümkinmi? Jogap açyk ýagdaýda ýok. Onuň üçin zerur bolan şertler ýok. Resmi Kiýew, diňe Günbataryň Russiýa garşy uruşynda bir enjam hökmünde ulanylýarka parahatçylyk islänok we isläp hem bilmez" diýip belledi.
Ukrainanyň garşylyklaýyn çozuşyny dowam etdirýändigini, emma hiç hili üstünlik gazanyp bilmeýändigini aýdan Peskow, Russiýanyň tapawutly sebitlerine guralýan hüjümleriň terrorçylykly aksiýalardygyny belläp: "Bu hüjümler, şowsuzlykdan dörän umytsyzlyk hereketleridir. Kiýew režimi terrorçylykly hüjüm taktikalaryny ulanýar. Bu ýürek bulandyryjy we oňa garşy söweşmäge dowam ederis" diýip nygtady.
Şeýle-de Ukrainanyň Döwlet baştutany Wladimir Zelenskiý, sosial media hasabyndan beren beýanatynda, Russiýanyň şu gün irden Ukrainanyň şäherlerine hüjüm gurandygyny mälim etdi.
Ukrainanyň sebitleriniň parahatçylykly şäherlerini we adamlaryny terrorizirlemäge dowam edýän Russiýanyň hüjümi astyndadygyny aýdan Wladimir Zelenskiý: "Duşenbe güni irden Kriwoý Rog we Herson şäherlerinde ýaşaýyş binalar we bir uniwersitet nyşana alynyp hüjüm guraldy. Gynansagam ýogalan we ýaralanan adamlar bar. Harabalyklaryň aşagynda adamlar bolup biler" diýip habar berdi.
Zelenskiý ähli degişli edaralaryň wakanyň bolan ýerinde iş alyp barýandygyny ünsleri çekip, mümkin boldugy saýyn has köp adamy halas etmek üçin tagalla edýändiklerini beýan etdi.
Beýleki tarapdan bolsa Russiýanyň TASS habarlar agentligi tarapyndan berilen habara görä, Ukrainanyň goşuny HIMARS raketa ulgamy bilen Donetsk şäheriniň merkezine raketalar bilen hüjüm gurady.
Hüjümde 1 adamyň ýogalandygy, 2 awtoulag bilen 1 awtobusyň ýanandygy aýan edildi.
2022-nji ýylyň 24-nji fewralynda Russiýanyň Döwlet baştutany Wladimir Putin, Ukrainanyň basylyp alynmagy barada buýruk beripdi, şeýlelik bilen Russiýa-Ukraina söweşi başlapdy.
