Putin Belgorod şäherine guralan hüjüm barada beýannama berdi
Russiýanyň Döwlet baştutany Wladimir Putin 30-njy dekabrda ýurdunyň belgorod şäherine guralan hüjümiň "terrorçylykly aksiýadygyny" belläp: "Bular ýaly görnüşli jenaýatlar jezasyz galmaz" diýip belledi
Kreml tarapyndan berilen beýanata görä Putin Ukraiandaky "Ýörite harby operasiýa" gatnaşan esgerler bilen Nowo-Ogarýowodaky prezidentiň rezidensiýasynda duşuşdy.
Putin mundan başgada uruşda ýaralanan esgerleriň bejergi alýan Wişnýowskiý merkezi harby klinika hassahanasyna baryp görd
Putin ol ýerde sözlän sözünde Belgorod şäherine 30-njy dekabrda hüjümiň guralandygyny ýatladyp: "Belgorod şäherinde bolanlar elbetde terrorçylykly aksiýadyr. Bu asuda ilata garşy guralan bir hüjümdir" diýip belledi.
Şoňa jogap hökmünde ýokary takyk ýaraglar bilen Ukrainadaky harby elementlere garşy hüjümler gurandyklaryny aýdan Wladimir Putin: "Bular ýaly görnüşli hüjümleri artdyrarys. Belgoroda guralan hüjüm çürt kesik asuda ilata garşy guralan jenaýatdyr we bular ýaly görnüşli jenaýatlar jezasyz galmaz" diýip nygtady.
Günbataryň Ukraina harby taýdan goldaw berýändigini aýdan rus lider: "Günbatarlylar ukrainalylaryň eli bilen öz meselelerini çözýärler. Bu ençeme asyrlap şular ýaly boldy we şu wagt hem bolýar. Ukrainanyň özi biz üçin duşman däl. Russiýany ýok etmek we strategik ýeňilişe sezewar etmek isleýänler Günbatarda" diýip belledi.
Günbataryň bu meseläni ýüze çykarandygyny we Ukrainanyň üsti bilen Russiýa garşy göreş alyp barýandygyny aýdan Putin: "Asyrlar boýy Russiýany ýok etmegi maksat edinýändiklerine garamazdan, olary has çalt ýok ederis. Meseläniň düýp manysy Ukraina däl, Russiýany Ukrainanyň eli bilen ýok etjek bolýanlardyr. Emma olar munyň hötdesinden çürt kesik gelip bilmezler" diýip aýtdy.
Putin çaknyşygy iň gysga wagtda Russiýanyň öňe sürjek şertleri esasynda bes etmek isleýändiklerini belläp: "Biz baky uruşmak niýetimiz ýok, emma pozisiýalarymyzy hem bermegi pikir etmeýäris" diýip belledi.
Şeýle-de Belarusyň Prezidenti Aleksandr Lukaşenko golaýda, Russiýadan ýurduna berilýän ýadro ýaragynyň getirliş tapgyrynyň tamamlanandygyny ýatlatdy.
Russiýanyň Sankt-Peterburg şäherine baran Lukaşenko, köpçülikleýin habar beriş serişdelerine beren beýannamasynda Russiýadan ýurduna berilen ýadro ýaraglary hakynda maglumat berdi.
Russiýadan ýurduna berilýän ýadro ýaragynyň getirliş tapgyrynyň tamamlanandygyny ýatladan Lukaşenko, “Ýadro ýaraglarynyň getirliş etaby sentýabr-oktýabr aýynda tamamlandy, ähli işler kadaly ýagdaýda dowam edýär” diýdi.
Russiýanyň döwlet Ýolbaşçysy Wladimir Putin, mart aýynda Belarusa taktiki ýadro ýaraglarynyň ornaşdyryljakdygyny mälim edipdi.
Russiýanyň Goranmak ministri Sergeý Şoýgu bilen Belarusyň Goranmak ministri Wiktor Hrenin, maý aýynda Russiýanyň strategik bolmadyk ýadro ýaragynyň Belarusa berilmegi baradaky şertnama gol çekişipdi.
