Palestina tarapdarlarynyň birnäçe Ýewropa ýurtlarynda protestleri
Palestina halkyny goldamak we Gaza zolagynda söweşiň dowam etmegine garşy çykyşlar birnäçe Ýewropa ýurtlarynda geçirildi.
"Al-Jazeera" teleýaýlymynyň habaryna görä, şenbe güni Palestina halkyny goldaýanlar we Sionist režimiň Gaza zolagyna eden hüjümlerine garşy çykýanlar Ispaniýada, Daniýada, Şwesiýada, Niderlandlarda, Germaniýada we Awstriýada demonstrasiýa geçirip, Sionist režimiň Gaza zolagyna garşy hüjümleriniň bes edilmegini islediler.
Ispaniýanyň paýtagty Madrid, Şwesiýadaky Helsingborg, Daniýadaky Kopengagen we Odense, Niderlandlarda Rotterdam, Germaniýada Berlin we Saarbruken we Awstriýanyň paýtagty Wena şäherlerinde demonstrantlar Palestina baýdaklaryny we Gaza zolagynda sionist režimiň genosidi barada plakatlar we suratlary göterip Sionist režimiň Gaza zolagynda bolan genosidini ýazgardylar.
Ispaniýada, Daniýada, Şwesiýada, Niderlandlarda, Germaniýada we Awstriýada demonstrantlar Halkara Kazyýetiniň Sionist režiime garşy çykaran kararyny goldadylar we bu basyp alyjy režimi boýkot etmegi talap etdiler.
Demonstrantlaryň käbiri Halkara Adalat Kazyýetinde sionist režime garşy şikaýat bilen baglanyşykly Günorta Afrika hökümetine plakatlar we golýazmalar bilen minnetdarlyk bildirdiler.
Anna güni Halkara Adalat Kazyýeti, Günorta Afrikanyň sionist režime garşy Gaza zolagynda genosid etmek baradaky şikaýatyna we adatdan daşary çäreleri görmegiň zerurlygyna seredip, Kararynda sionist režimiň palestina halkynyň öldürilmeginiň öňüni almak üçin zerur çäreleri görmelidigini aýtdy.
