Ýewropa Komissiýasy: Diplomatiýa Eýranyň ýadro meselesiniň ýeke-täk durnukly çözgüdidir
Ýewropa Komissiýasynyň metbugat sekretary Eýran, Hytaý we Russiýanyň arasyndaky üçtaraplaýyn gepleşikleriň gaýtawulynda, diplomatiýa Eýranyň ýadro meselesiniň ýeke-täk durnukly çözgüdi bolmalydygyny aýtdy.
Pars Today -iň habaryna görä, Ýewropa Komissiýasynyň metbugat sekretary Anwar Al-Awni anna güni Brýusselde žurnalistleriň ýygnagynda eden çykyşynda, Ýewropa, Eýranyň ýadro şertnamasyna we BMG Howpsuzlyk Geňeşiniň 2231-nji kararyna gatnaşýan Hytaý, Eýran we Russiýanyň arasyndaky üçtaraplaýyn duşuşygy garşy alýar diýdi.
Şol bir wagtyň özünde, Al-Awni Ýewropa Bileleşiginiň daşary syýasat başlygy Kaia Kallasyň Birleşen Milletler Guramasynyň Howpsuzlyk Geňeşinde eden çykyşyna salgylanyp, Eýranyň parahatçylykly ýadro programmasy baradaky syýasy talaplary gaýtalady we Eýranyň ýadro maksatnamasyny dowam etdirmegi, 2231-nji rezolýusiýada tassyklanylan borçnamalaryna düýbünden ters gelýändigini toslady.
Eýran, Russiýa we Hytaý anna güni (14-nji mart) Pekinde üç taraplaýyn ýygnak geçirip, ýadro ylalaşygy dikeltmek we Eýrana garşy sanksiýalary ýatyrmak baradaky gepleşikleriň häzirki ýagdaýyna ünsi jemläp bilelikdäki beýannama berdiler.
Bu bilelikdäki beýannamada, birek-birege hormat goýmak ýörelgesine esaslanýan diplomatik gatnaşyklaryň we gepleşikleriň ýadro meselesi bilen baglanyşykly ýeke-täk amaly we ygtybarly wariantydygy aýdylýar.
Şeýle hem Eýranyň, Hytaýyň we Russiýanyň üç ýurdy BMG Howpsuzlyk Geňeşiniň 2231-nji rezolýusiýasynyň, şol sanda görkezilen möhletleriň ähmiýetini nygtap degişli taraplary diplomatik tagallalar üçin degişli giňişlik we şertler döretmek üçin ýagdaýy erbetleşdirjek çäre görmezlige çagyrdylar.
