Ermenistan ABŞ-nyň teklibini ret edýär
Ermenistanyň Daşary işler ministrligi ABŞ-nyň Zangzur geçelgesine 100 ýyllyk gözegçilik etmek baradaky teklibini ret edip, öz garaşsyz territoriýasyna gözegçiligi haýsydyr bir üçünji ýurda bermejekdigini mälim etdi.
Pars Today habar gullugynyň habaryna görä Ermenistanyň Daşary işler ministrliginiň metbugat sekretary Nazli Bagdasarýan Ýerewanyň sebit infrastrukturasyny açmak meselesine diňe Ermenistan Respublikasynyň özygtyýarlylygy, territorial bitewiligi we kazyýt çäginde seredýändigini aýtdy.
Nazli Bagdasarýan Ermenistanyň özygtyýarly territoriýasyna gözegçiligi haýsydyr bir üçünji tarapa bermegi ara alyp maslahatlaşmajakdygyny we bermejekdigini aýtdy.
Ondan öň Middle East Eye habarlar web sahypasy ABŞ-nyň Türkiýedäki ilçisi Tom Baragyň sözlerine salgylanyp, Waşingtonyň 32 kilometrlik Zangzur geçelgesine 100 ýyl gözegçilik etmegi teklip edendigini ýazdy.
Iki tarapyň hem koridordan peýdalanyp biljekdigine ünsi çeken Barak, bu meseläni gozgamagyň maksadynyň "Azerbaýjan Respublikasy bilen Ermenistan arasynda diplomatik gepleşikleri ösdürmäge kömek etmek" bolandygyny aýtdy.
