Amerikanyň harby gämileri Hytaýyň we Malaýziýanyň arasyndaky dawaly suwlarynyň ýanyna geldiler
Gündogar Aziýanyň howpsuzlyk çeşmeleri Hytaýyň we Malaýziýanyň dawaly suwlaryna ýakyn ýerlerde iki sany Amerikan gämisiniň gelendigini habar berdiler.
ABŞ-nyň Harby deňiz güýçleri sişenbe güni Amerikanyň gämileriniň Günorta Hytaý deňzinde ýerleşendigini tassyklady we onuň yzýany bilen Gündogar Aziýanyň ýerli çeşmeleri bu iki gäminiň Hytaý bilen Malaýziýanyň arasyndaky dawaly suwlara ýakyn ýerlere girendigini habar berdiler.
Hytaýyň Daşary işler ministrligi bu hereketiň gaýtawulynda Amerikanyň hakykata üns bermezden Pekine garşy esassyz aýyplamalary öňe sürýändigini we sebitde harby huzuryny dogry görkezmek üçin Günorta Hytaý deňziniň işlerine goşulmagy isleýändigini aýtdy.
Hytaý tutuş Günorta Hytaý deňzine eýeçilik edýändigini şol bir wagtda Wýetnam, Filippinler, Malaýziýa we Bruneý hem her birisi bu deňiziň bir bölegine eýeçilik edýändiklerini toslaýandyrlar.
