Baku we Ýerewan Garabagda atyşygyň bes edilendigini nygtadylar
Azerbaýjan Respublikasy bilen Ermenistanyň Daşary işler ministrleri Orsýetiň Daşary işler ministri Lawrow bilen telefon arkaly söhbetdeşlikde Nagorno-Garabagda atyşygyň bes edilendigini ýene bir gezek gaýtaladylar.
IRNA habarlar gullugynyň beren habaryna görä,şenbe güni agşam Orsýetiň Daşary işler ministri Sergeý Lawrow Azerbaýjanyň we Ermenistanyň Daşary işler ministrleri Jeýhun Baýramow we Zahrab Manatsakanyan bilen telefon arkaly söhbetdeşlik geçirdi, şol söhbetdeşlikde iki tarap Nagorno-Garabag çaknyşykly zolagynda ýaraşyk şertnamasyna özleriniň jogapkär çemeleşjekdigini gaýtadan tassykladylar.
Ermenistanyň, Azerbaýjanyň we Orsýetiň daşary işler ministrleri 9-njy oktýabrda Nagorno-Garabag sebitinde bilelikdäki resminama we ot açyşlygyň bes edilmegi baradaky gepleşiklerde ylalaşdylar.
şenbe güni irden Moskwada tamamlanan uzyn gepleşiklerde Baku we Ýerewan 10-njy oktýabr, şenbe güni sagat 12: 00-dan Nagorno-Garabagda ot açyşlygy bes etmek barada ylalaşdylar.
bu çaknyşykda Azerbaýjan respublikasy ýurtlaryň territorial bitewiligini saklamak ýörelgesine daýanmak bilen Ermenistanyň basyp almagynyň bes edilmegini isledi, beýleki tarapdan Ermenistan tarapy "öz ykbalyňy kesgitlemek hukugy" ýörelgesine salgylanyp, ermenileriň hukuklarynyň ykrar edilmegini isledi.
