Baku bilen Ýerewanyň arasyndaky dartgynlyk dowam edýär
Ermenistan Azerbaýjanyň top hüjümlerine gaýtadan başlandygyny aýtdy.
Tass habar gullugynyň habaryna görä, Ermenistan Respublikasynyň Goranmak ministrligi duşenbe güni irden Azerbaýjan güýçleriniň demirgazyk, demirgazyk-gündogar, günorta we esasanam Nagorno-Garabag sebitiniň merkezi böleginde artilleriýa hüjümleri bilen ermeni güýçleriniň pozisiýalaryny nyşana alandygyny öňe sürdi.
Ermenistanyň Goranmak ministrliginiň habaryna görä, ermeni güýçleri hüjümleri yza çekip, azeri güýçlerine agyr zarba urupdyrlar we 27-nji sentýabrda täze dartgynlylyk başlanaly bäri Azerbaýjan Respublikasynyň 514 sany harby awtoulagyny ýok edipdir.
Beýleki tarapdan, Azerbaýjan Respublikasynyň Goranmak ministrligi ermeni güýçlerini Nagorno-Garabag sebitiniň Ag bentine minomýot hüjümlerinde aýyplady.
Ýerewan bilen Bakunyň arasyndaky Garabagyň dawaly sebiti barada ýaraşyk şertnamasy baglaşylandan soň, iki ýurt birek-biregi atyşygy bes etmek karary bozmakda aýyplamagy dowam etdirýärler.
