İron və Tırkiyə sərhədiyə həmkari.
İroni bə ğaydə-ğanuni nəzorət kardə ğıvvon(Naca) marzbonəti kamanda İron və Tırkiyə sərhədiyə rabitəon mısbət zıneydə.
Bə İrna raporti əsos, Ğasım Rezai ki Tırkiyə jandarma kamanda vindemon karde xoto bə Ankara(Tırkiyə paytəxt) səfərış kardə, votışe: İron və Tırkiyə miyono çand sa kilometr mıştərəkə sərhədon hestin ki de diğğət bə 2 qılə kişvəri sərhədiyə viloyətion iştiroki, sərhədiyə rabitəon bəpe çimiku vey zumand bıbu.
Ğasım Rezai əlovəş ka: bə 2 qılə kişvəri daxıli vəziron muzakiron əsos İroni marzbonəti kamanda və Tırkiyə jandarma kamanda miyono rabitəon inkişo bənə 2 qılə kişvəri sərhədiyə əmniyyəti hıfzəkəyon bəpe hədəfin və hevuj bıbu.
Bə İroni marzbonəti kamanda voteyon əsos, İron və Tırkiyə marzbonon informasiya mıbodilə iyən de ğaçağ mığobilə karde zəminəonədə həmkari kardedən.
İron və Tırkiyə miyono 566 kilometr mıçtərəkə sərhəd heste və İroni ğərbiy Azərbaycan ostan(İroni şimol-ğərb) de Tırkiyə Ağri, İğdir, Van və Həkari ostanon hamsuyəy.
