İron: məntəğəku xaric bıə ğıvvon bəpe Ğərəboği behronədə mıdoxilə nıkon.

İroni prezidenti aparati stereratejik mutaliə şobə rəis zinə Tehronədə de Azərbaycan Respublika iyən Ermənistoni səfiron vindemonədə bə Ğərəboği behronədə məntəğəku xaric bıə ğıvvon mıdoxilə nıkarde zəruriyati təkidış karde.

Bə İrna raporti əsos, Azərbaycan Respublika iyən Ermənistoni miyono otəş basti bino bey həmzəman, Azərbaycan Respublika iyən Ermənistoni səfiron co bə co və İroni prezident aparati stereratejik mutaliə şobə vırədə de ım mərkəzi yol Hesamuddin Aşena vindemon kardışone, ım mulağatədə 2 tərəfi əloğəon iyən reqional əmniyəti barədə muzakirə və sohbət bıə.

Aşena Ğərəboği mınoğişədə bə betərəf mandey iyən məntəğəku xaric bıə ğıvvon mıdoxilə nıkarde çərçivədə Tehroni stabil videmoni təkid və Azərbaycan Respublika iyən Ermənistoni səfironku tələbış karde ki bə beynəl-xalğ ğanuni ehteron noe xoto har 2 tərəf canqi vəziyətiku xaric bıbun və de solhinə roon vositə bə ım mınoğişə sə karde fik kon.

İroni prezidenti aparati stereratejik mutaliə şobə rəis bə stabil otəş basti dəvom iyən canqi xərobion obod karde zəruriyati işarə və əlovəş karde: İron İslam Respublika de sulh iyən 2 tərəfi həmkarion nığiləti karde bəzne mıtəöobil mıştərəkə mənafe çərçivədə bə 2 qılə kişvəri komək bıkə.

İronədə bıə Azərbaycan Respublika iyən Ermənistoni səfiron həm bə mıştərəkə əloğəon təkid iyən ibroz kardışone k De İron İslam Respublika həmmə tərəfinə həmkarion inkişof doe pidəşone.