Suçiədə 3 tərəfi iclos bə oxo rəsə.
Rusiyə Suçiədə bıə Rusiyə, Erməniston və Azərbaycan Respublika yolon 3 tərəfi iclos bə oxo rəsə.
Bə Təsnim aqentiyəti raporti əsos, de Ğərəboği 44 rujə canqi otəşbast iyən sulh muğavilə imzo bey sorəqardışi həmzəman zinə Suçiədə Rusiyə, Erməniston və Azərbaycan Respublika yolon 3 tərəfi iclos bərpo be.
Həminə 3 saaətış bıə iclosi cərəyonədə Maskva, Boku iyən İrəvoni prezidenton bə təvafuğ rəsin ki de Rusiyə koməki iyən reqional ticorəti çərçivədə Azərbaycan Respublika iyən Erməniston qıləy tranzit karidori okardey zəminə icod kon.
Dəvardə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod ko.
Əmmo canqi sə kardey və məntəğədə stabil şərayeti icod bey xoto de Rusiyə vositəçiyəti qıləy 3 tərəfi sulh muğavilə imzo bıə.