İroni xarıci vəzir və İlhom Əliyevi miyono vindemon.

İroni xarıci vəzir Huseyn Əmir Əbdullahiyan və Azərbaycan Respublika prezident İlhom Əliyev de yande vindemon və mulağat kardışone.

Bə İrna raporti əsos, İroni xarıci vəzir Huseyn Əmir Əbdullahiyan ki tojədən bə Azərbaycan Respublika səfər kardəş be de Azərbaycan Respublika prezident İlhom Əliyevi vindemon və muzakirə cərəyonədə muxtəlif mıvzoon barədə sohbət kardışe bə 2 tərəf demokratik fəaliyəton çərçivədə əloğəon çok kardey səmtədə bə hisob vardışone.

Azərbaycan Respublika prezident İlhom Əliyev bə siyosi, iğtisodi, ticori və mədəni baxşonədə həmkarion ziyod bey zəruriyyəti işorəş karde və votışe: İron və Azərbaycan Respublika miyono həmkarion mehvər vey ziyode və az xatircəmim ki ın həmkarion bə çokə nəticə bərəse.

İroni xarıci vəzir Huseyn Əmir Əbdullahiyan həm ın mulağatədə bə Tırkəmənistonədə bıə İron və Azərbaycan Respublika prezidenton miyono bıə mulağat iyən vindemoni işorəş karde və votışe: ın mulağat çı 2 qılə kişvəri miyono bıə əloğəonədə qıləy muhimmə hodisə be.

İroni xarıci vəzir dəvardə haftə bə Azərbaycan Respublika kişvər səfərış kardə be.