Cəlali de Putini muavini vindemoni cərəyonədə, bə 2tərəfiyə həmkoətion hevujəti təkidış kardə

Moskvaədə bıə İroni səfir de Rusiyə prezidenti muavin vindemon və nəğliyot baxşdədə 2tərəfiyə həmkoətion hevujəti barədə de yande votımonışon kardə.

İron və Rusiyə 2tərəfiyə zəminəonədə, xususi iğtisodi, hərbi, əmniyyəti və həmçınin məntəğə və beynəlxalğə məsələon barədə bənə de Amerkə unilateralizmi mubarizə bardeyədə mıştərəkə strateqiya mənafe soybin və dəvardə soronədə ım məsələ 2 tərəf nezə həmkoətion vey muhimmə amilonku be.

Həminə cəhətədə və bə İsna aqentiyəti raporti əsos, Moskvaədə bıə İroni səfir, Kazım Cəlali de Rusiyə prezidenti muavin İqor Loytini vindemonədə və de İRoni şəhr soxtey və roy vəziri muavin Xeyrullah Xademi iştiroki vositə, şimol-cənub koridori çərçivədə nəğliyot həmkoətion bə inkişof rosniye roon bə reylz xətton roon mehvəriyəti əsos,de yande votımon iyən məşverətışon kardə.

Həminə 3tərəfiyə vindemonədə ki Moskvaədə bıə İroni səforətxonə vırədə bərpo bıə, həminə beynəlxalğə roy icro bey cəhəto, bə 2 qılə kişvəri rəhbəron və rəsmi şəxson cəhdon işorə və həmçınin bə Rəşt-Ostoro reylz xətton plani soxtey vey rə icro bey ki bənə ım koridori qim bıə həlğəy, təkid bıə.