Ciddədə İron və Tırkiyə xarıci vəziron vindemon və məşvərəton
Tırkiyə və İroni İslom Respublika xarıci vəziron Ərəbistoni Ciddə şəhrədə İslomi həmkoəti Təşkiloti iclosi kənoədə de yande vindemon və mıştərəkə mıvzoon barədə deyande votımonışon kardə.
Seşəmbə sionist rejim, Ğəzzədə Əlməemədani noxəşxonə bombardımon kardışone və ım cinoyətkorə hərəkəti nəticədə iyən bə xəbəiyə mənbəon elani əsos, ım noxəşxonədə 500 nəfər Fələstini şəhid bıən.
Fələstini mıstəğilə təşkiloti rəyis Məhmud Əbbas Ğəzzə tanqə Əlməemədani noxəşxonədə etosniye dumoədə 3 ruj umumi əzo elanış kardə.
Im cinoyəti bənav həm dəvardə rujonədə sioniston 3 həzo Fələstinıjon şəhid kardışone.
İroni xarıci vəzir Huseyn Əmirəbdullahiyan islomi həmkoəti Təşkiloti iclosədə iştirokiro ki Ğəzzə tanqə barədə bərpo bəbe, bə Səudi Ərəbistoni Ciddə şəhr varid bıə.
Im iclosi bərpo bey kənoədə, Əmirəbdullahiyan de İslomi həmkoəti təşkiloti sərkatib iyən ım iclosi kali iştirok kardə kişvəon xarıci vəziron vindemonış kardə ki ım kişvəron əcumlə İndoneziya, Azərbaycan R., Səudiyyə Ərəbiston, Mavritaniya, Kuveyt iyən Ğətəri xarıci koonədə mışovirə vəzir vindemon və məşvərətış kardə.
Həminə cəhətədə iyən bə İrna raporti əsos, Zinə İroni xarıci vəzir Huseyn Əmirəbdullahiyan Ciddədə İslomi həmkoəti təşkiloti icroiyə komiyə fovğoladə iclosi kənoədə de Tırkiyə xarıci vəzir Hakan Fiden vindemon və votımonış kardə.
İron və Tırkiyə bənə 2 qılə məntəğə muhimmə kişvəron, 2tərəfiyə həmkoətion və rabitəon inkişofiro deyande hevujə mevzuon soybin, əmmo de diğğət bə işğol bıə sərzminon təhəvvulaton və məntəğə şəroyet, proqonoz bəbe ki Fələstini milləti həxədə sionist rejimi cinoyət iyən etosniye mubarizə bardey barədə 2 qılə kişvər nəzəşon bə həmkoəti heste.
