Rusiyədə İroni səfir: Dekabrə manqi 25 minnə rujədə İron və Avrasiya ittifoği ozodə ticori sazış imzo bəbe
Rusiyədə İroni səfir votışe: Miladi 2023 minnə sori Dekabrə manqi 25 minnə rujədə(Hicri Şəmsi 1402 minnə sori Dey manqi 4) Rusiyə Sankt-Peterburqədə və de 6 qılə kişvəri rəsmi şəxson iştiroki İron və Avrasiya iğtisodi ittifoği ozodə ticori sazış imzo bəbe.
Şənbə rujədə,Rusiyədə İroni səfir Kazım Cəlali de İrna votımonədə əlovəş kardə: de İron və Avrasiya iğtisodi ittifoği ozodə ticori sazışon imzo bıey, təğribən 96 faiz İroni məhsulon ixracat bə Rusiyə, Belarus, Ğəzaxıston, Ğırğizıston və Erməniston kişəvron bənə Avrasiya iğtisodi ittifoği uzvon, be qomroki tarifon əncom bəbe və mıtəğabil surət həm bə İron ım kişvəron ixracat həm həminə məziyyətiku istifodə bəkan.
Cəlali ijən votışe: Avrasiya iğtisodi ittifoğ və İroni ozodə ticori sazış, vey yolə sazışe, ım sazışon oxoədə həm bəpe 5 qılə uzv bıə kişvəron ıştə muvafiğəton elan bıkon ki jıqo hərəkəton həm əncom bıə.
Rusiyədə İroni səfir ijən təsdiğış kardə: Avrasiya iğtisodi ittifoği 5 qılə uzv bıə kişvəron muvafiğəti elani bəpeşt, Miladi 2023 minnə sori Dekabrə manqi 25 minnə rujədə de İron ım ittifoği ozodə ticori sazış bə imzo bərəse.
