Əfğanıston iyən Pakistoni miyono marzi daveon hodisə
Pakiston iyən Əfğanıstoni marzi məntəğədə Əfğanıstoni Talebon ğıvvon və Pakistoni marzbonəti ğıvvon de yande dave kardışone.
Əfğanıston iyən Pakiston marzi ixtilofışon heste və həmişə ım 2 qılə kişvəri hərbiçiyon deyande dave kardey holədən ki ım daveon 2 qılə kişvəri marzi dəvardəçoon dəbastey bois bıdə.
Həminə holədə İslom Abad həmişə Əfğanıstoni mıttəhəmış kardə be ki Pakistoni Taleboni təhrik terroriston pənoh dodə və voteydə ki ım terroriston, Əfğanıstoni sərzəminiku bə Pakistoni ğıvvon ələyh əməliyot kardedən. əmmo Əfğanıstoni Talebon ım iddio rədış kardə.
Həminə cəhətədə və bə Əfğani sədo aqentiyəti raporti əsos, zinə sıb, Pakistoni Bacor, Əfğanıstoni şərğ Kənər viloyəti Sərkano şəhrıstoni Qəncqəl məntəğədə, Pakiston iyən Əfğanıstoni miyono marzi daveon bino bıə.
Bə Əfğani mənbəon votey əsos, ti ğandey, əvvəliku Pakistoni səmtiku bino bıə və peşo Taleboni ğıvvon həm bəy cəvob doşone.
Im daveon zəmoni bino bıə ki Pakistoni tərəf marzi divo tojədən obod kardey holədə be.
Im deveon ehtımoliyə tələfotonku hiç məlimut rəsə ni.
