İron və Dağıstan Respublika ticori mıbodiləon problemon peqətey

Dağıstoni Respublika devləti nımoyəndə de Qiloni iğtisodi rəsmi şəxson vindemonədə votışe: de Dağıston Respublika ticori mıbodilon əlovə beyro, Ostoro marzədə İroni hərəkəton vey bə sıtoyeş loyiğ bıə hərəkətonin və de 2tərəfi rabitəon royku mevcudə problemon peqəte bəbe.

Bə Qiloni Tele-Rədio aqentiyəti raporti əsos, Andri Yoriyoviç Tanayev bə Ostoro səfərədə de ım şəhrıstoni rəsmi şəxson iclosədə, ticori mıbodiləon lovə beyro Ostoro marzədə bə İroni hərəkəton işorəş kardə iyn votışe: əmə bənə 2 qılə dust və hamsuyə kişvər karde bəznemon əlovə bə ticori mıbodiləon, mədəni və varzış baxşədə həm de yande çokə mıbodiləon əncom bıdəmon.

Əv de işorə bə xarıci bo şıkırnə maşiniro elektrok nobə doey sistemi bə roy dənoey, votışe: dəvardə sori muğaisədə İron və Dağıstoni miyono ticori miğdor 3 bərobər bıə mmo İronədə mandey vey ziyode ki ım məsələ roməvononro problemon icodış kardə.

Ostoro fərmondar həm ım iclosi kənoədə votışe: Azərbaycan kişvər har ruj 220 bo şıkırnə maşini varid bey icozə dodə və ehanə ım şe-omey məhdudiyət Azərbaycan kişvəri səmtiku peqəte bıbu, və ya minimu har ruj bə 400 tosə 450 qılə bo şıkırnə maşin bırəsi, roməvonon problemon kam bəbe.

Rusiyə Dağıstoni Respublika nımoyəndə ijən de Qilon ostani iğtisodi baxşi mudiron həm vindemonış kardə.

Iğtisodi rabitəon inkişofiro hozzoəti elon kardey, Ostoro marzədə nəğliyot baxşi problemon həl kardey, elektrok nobə doey sistemi əncom doey, Ostoro marzədə nəğliyot baxşon problemon təğib kardey, ostani dıyo, zəmini və  reylz xətton nəğliyot baxşədə məsələon və bəndəri strukturon inkişof doey, qomroki problemon və məhdudiyəton peqətey əcumlə bəhsoni be ki ım iclosədə bəyon bıə.