De terrorizm mubarizə bardeyro İron və Pakistoni ciddiyə irodə
Pakistoni xarıci koon vəzorətxonə sıxənəvot, sü terrorizm təhdidon bənə 2 qılə hamsuyə kişvəri mıştərəkə behroni mubarizə bardeyro İslom Abad və Tehroni ciddiyə irodəku xəbəş do.
İron və Pakistoni rabitəon bə Pakistoni istiğloli torixi dırozi umr rəseydə və dəvardə soronədə muxtəlifə baxşonədə əcumlə iğtisodi, əmniyyəti və de terrorizm mubarizə bardeyədə Tehron və İslom Abadi rabitəon bə inkişof rosniye holədəy.
Pakiston, İrağiku bəpeşt de 900 kilometriku vey, hışkə sərzəmini soyb bey, de İron mıştərəkə vey dırozə marzi soybe.
Bə İrna raporti əsos, Pencşəmbə rujədə Pakistoni xarıci vəzorətxonə sıxənəvot, Mumtaz Zəhra Bəluç İslom Abadədə de jurnaliston iclosədə, bə Pakiston İroni ali heyət iyən İroni xarıci vəzir Huseyn Əmirəbdullahiyani oxonə səfəri nəticəonku ıştə roziyəti nışoş do iyən təkidış kardə: İron və Pakistonədə hərbi vositəçi əfsəron mıtəğabilə təyin kardeyro vey təsirinə hərəkəte ki ki harcurnə təhdidiro qıləy həmohənqə qəm bə hisob omeydə.
Mumtaz ijən əlovəş kardə: bə Pakiston Əmirəbdullahiyani səfə, vey muhimm və 2 qılə hamsuyə kişvəri zumandə irodə nışonə be xususi 2 qılə kişvəri mıştərkə behronon yəni de terrorizm mubarizə bardeyədə, qıləy həmohənqə hərəkət be.
